3 жніўня адбудзецца суд над актывістамі, затрыманымі 2 жніўня ля горацкай папраўчай калоніі № 9.
Яны правялі ноч ў пастарунку ў Горках.
Аднак судовы працэс над імі адбудзецца ў Дрыбіне.Пра гэта сказаў начальнік Горацкага РАУС маці аднаго з затрыманых. Супраць актывістаў пачата адміністрацыйная справа за несанкцыянаванае пікетаванне і непадпарадкаванне патрабаваньням міліцыі.
Сёння ў Горках з нагоды прыезду кіраўніка краіны Аляксандра Лукашэнкі павялічаныя меры бясьпекі.
Сярод затрыманых журналістка Таццяна Шапуцька, нявеста Змітра Дашкевіча Наста Палажанка, актывісты «Маладога фронту» і БХД.
Ля горацкай папраўчай калоніі № 9 былі затрыманыя 15 чалавек. Яны патрабавалі, каб кіраўніцтва турмы дазволіла адвакату сустрэцца з лідарам незарэгістраванага «Маладога фронту» Змітром Дашкевічам, які адбывае тут двухгадовае пакаранне. Пасьля адмовы паплечнікі Змітра зладзілі пікет пад вокнамі адміністрацыйнага будынка калоніі.
0
0
0
0
0
0