Паранены адзін з кіроўцаў, ён знаходзіцца ў бальніцы.
На трасе Брэст-Масква сёння ноччу сутыкнуліся тры фуры.
У ноч на 3 жніўня пад Мінскам сутыкнуліся тры фуры. Фота МНС
У ноч на 3 жніўня пад Мінскам сутыкнуліся тры фуры. Фота МНС
У ноч на 3 жніўня пад Мінскам сутыкнуліся тры фуры. Фота МНС
ДТЗ адбылося каля паўночы на 351-м кіламетры трасы Брэст-Масква недалёка ад вёскі Плябанцы Мінскага раёна. Спачатку сутыкнуліся МАЗ-54329 і «Мерсэдэс-915». Кіроўцы не пацярпелі і выйшлі з грузавікоў. У гэты момант у «Мерсэдэс» урэзаўся аўтамабіль МАН з расійскімі нумарамі, які рухаўся з Нідэрландаў у Маскву з грузам жывых кветак. Дальнабойшчыка заблакавала ў кабіне, яму дапамаглі выбрацца выратавальнікі з дапамогай гідраўлічных прыладаў.
Цяпер пацярпелы знаходзіцца ў бальніцы. Папярэдне яму дыягнаставаная чэрапна-мазгавая траўма, пералом рэбраў і левага сцягна, а таксама спалучаная траўма.