Былога прэзідэнта Егіпта Хосні Мубарака завезлі ў залу суда. Ён ляжыць на каталцы. Пасяджэнне праходзіць у будынку паліцэйскай акадэміі ў Каіры.
Раніцай Мубарака на самалёце даставілі з Шарм-аш-Шэйха, дзе ён знаходзіўся ў шпіталі.
Калі экс-прэзідэнта прывезлі з аэрапорта ў Каіры, ля суда пачаліся сутыкненні яго праціўнікаў і прыхільнікаў. Прынамсі адзін чалавек загінуў.
Раней на лаве падсудных, адгароджанай ад аўдыторыі шматметровымі кратамі, з'явіліся былы кіраўнік МУС Хабіб аль-Адлі, шасцёра яго высокапастаўленых памочнікаў, а таксама сыны Гамаль і Аля Мубарак.
Егіпецкае тэлебачанне вядзе жывую трансляцыю з залы.
0
0
0
0
0
0
