Футбол. Алімпійская зборная згуляе з расіянамі і ўзбекамі

Дасягнута папярэдняя дамоўленасць аб правядзенні таварыскіх матчаў алімпійскай зборнай Беларусі (галоўны трэнер - Георгій Кандрацьеў).

5 верасня ў Бранску наша каманда згуляе з другой зборнай Расіі (галоўны трэнер - Юры Краснажан), а 13 лістапада ў Ташкенце - з алімпійскай зборнай Узбекістана, паведамляе прэс-служба Беларускай федэрацыі футбола.

Нагадаем, што гадаванцы Георгія Кандрацьева на моладзевым чэмпіянаце Еўропы ў Даніі занялі 3-е месца і заваявалі пуцёўку на Летнія Алімпійскія гульні ў Лондане.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ