Расейскі аналітык: «Лукашэнка мае ў запасе дужа моцны ход. Па прыкладу Сахаліна Беларусь можа цалкам накласьці на «Газпром» шматмільярдныя штрафы. І нібыта законным шляхам атрымаць ва ўласнасьць 51% транзітнага газаправоду».
«Лукашэнка мае ў запасе дужа моцны ход – «варыянт Мітволя» (кіраўнік расейскага Фэдэральнага агенцтва па нагляду ў сфэры прыродакарыстаньня – заўв. Рэд.), ‑ лічыць аналітык East European Gas Analysis Міхаіл Карчэмкін. – Беларускі ўчастак газаправоду Ямал‑Эўропа, які належыць «Газпрому», быў пабудаваны ў 2003 г. Я ўпэўнены, што на трасе можна знайсьці мноства парушэньняў прыродаахоўчых законаў Беларусі».
У прыватнасьці, па словах Карчэмкіна, на фотаздымках з космасу добра бачна, што шырыня землеадводу амаль у тры разы перавышае нарматыўныя 45 мэтраў. «Па прыкладу Сахаліна, Беларусь можа цалкам накласьці на «Газпром» шматмільярдныя штрафы, ‑ лічыць экспэрт. – І нібыта законным шляхам атрымаць ва ўласнасьць 51% транзітнага газаправоду. Я думаю, мы хутка пачуем словы Лукашэнкі пра тое, што «газаправод Ямал‑Эўропа – гэта звыродлівы шнар на твары «сінявокай Беларусі». Прыдадуцца ўсе напрацоўкі «Газпрому» і Мітволя – ад незаконнай вырубкі леса да парушэньня экалягічнага рэжыму вадаёмаў».
Для даведкі: Пасьля таго, як расейскія ўлады выставілі шматмільярдныя экалягічныя прэтэнзіі да праекту «Сахалін‑2» (распрацоўка двух радовішчаў на расейскім шэльфе ля выспы Сахалін), ягоныя замежныя акцыянэры мусілі пагадзіцца ў тым, што ў праекце будзе ўдзельнічаць «Газпром».
Фота photo.bymedia.net
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў24
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары