06.08.2011 / 16:55

In memoriam: Яраслаў Звяруга 7

4 жніўня адышоў у іншы свет вядомы беларускі археолаг.

(4.09.1928 – 4.08.2011)

4 жніўня 2011 г. адышоў у іншы свет вядомы беларускі археолаг Яраслаў Звяруга. Яго даследаванні былі прысвечаны гісторыі рэгіёну Верхняга Панямоння ў раннім Сярэднявеччы. Ён адкрыў і ўвёў у навуковы ўжытак больш за 30 помнікаў археалогіі і, як даследчык гэтага рэгіёна, непазбежна сутыкаўся з праблемаю балта-славянскіх кантактаў. Пішучы пра ІХ—ХІІІ ст. Звяруга зазначаў, што “славяне сутыкнуліся ў Панямонні не з бязлюднымі прасторамі, хоць былі і такія (напрыклад, Гарадзенская і Налібоцкая пушчы), а густа населенымі землямі з даўнімі земляробчымі і жывёлагадоўчымі традыцыямі”.

Як і ў любога дасведчанага археолага, у Яраслава Звяругі былі незвычайныя знаходкі і свае забаўныя гісторыі. У Ваўкавыску, які ўвогуле быў фенаменальным цэнтрам кастарэзнай вытворчасці, на Шведскай гары археолаг упершыню ў Беларусі знайшоў косткі паўліна.

Яраслаў Звяруга паходзіў з Заходняй Беларусі – ён нарадзіўся ў Мядзелі. У 1950—1970 гадах у мінскім акадэмічным асяроддзі ўраджэнцам Заходняй Беларусі прыходзілася дэманстраваць дадатковую лаяльнасць, каб дасягнуць нейкіх поспехаў у прафесійнай кар’еры. Да таго ж, беларуская карпарацыя археолагаў – традыцыйна вельмі канкурэнцыйны асяродак, які поўніўся ўзаемнымі падазрэннямі. На гэтым фоне Яраслаў Звяруга яўна вылучаўся сваёй стрыманасцю і прыветнасцю.

Са смерцю Яраслава Звяругі мы згубілі дасведчанага прафесіянала і чалавека, да разважлівасці якога можна было апеляваць у часы няпэўнасці.

Алег Дзярновіч

0
Чылімка / Адказаць
06.08.2011 / 17:35
Шкода-шкода...
1
...aut nihil / Адказаць
06.08.2011 / 18:57
De mortuis bene... Рэквіем па заходніку, які шчыра (!) выракся беларускаці. Менавіта гэта здрада перашкодзіла яму называцца Гісторыкам, нат падняўшы цудоўны археалагічны матэрыял Ваўкавыска. Ён ні хулы ні пахвалы не дастойны, гэты сціплы савецкі археолаг.
0
Henadz Semianchuk / Адказаць
06.08.2011 / 21:34
Wialiki smutak, shkadawanne i ciazhkaie usiwedamlienne. Dziadzka Jaraslau buy miam nastaunikam , jak Mikhas Tkachou, Georgi Shtychau i Michas Charniauski, u zhycci i u archealogii. Jago nawukowyja adkrycci uznesli belaruskuju archealogiu na eurapiejski uzrowien, a chalawechaja mudrasc uratawala nie adnu adchajannuju halawu. Weczny spakoj daj jamu Bozha
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру