06.08.2011 / 22:10

10 фактаў з жыцця Алеся Бяляцкага 126

У маладосці ён ўдзельнічаў у падпольнай групоўцы, за што яму далі ганаровае грамадзянства Генуі.

Cтаронкі жыцця праваабаронцы, якому пагражае 7 год турмы.

1. Алесь Бяляцкі нарадзіўся ў Карэліі ў 1962 годзе. Туды яго бацькі выехалі з Беларусі на заробкі.

2. Будучы праваабаронца пачаў прынцыпова размаўляць па-беларуску ў часы студэнцтва. У 1981 годзе ў Гомелі ён першым на факультэце стаў паўсюль гаварыць на роднай мове. Калі ён сканчаў універсітэт, там па-беларуску размаўлялі ужо некалькі дзесяткаў чалавек.

3. Алесь Бяляцкі у маладосці браў актыўны ўдзел у нефармальнай, фактычна падпольнай групоўцы. Яе асноўнай задачай была пабудова незалежнай Беларусі. З таварышамі ён набываў друкавальныя машынікі і вырабляў улёткі.

4. Алеся Бяляцкага яшчэ ў 80-я вербавала КДБ – калі ён быў старшынёй аб’яднання маладых літаратараў «Тутэйшыя». На першым жа спатканні Бяляцкі адмовіўся працягваць нейкія кантакты.

5. У 1996 годзе Алесь Бяляцкі ўзначаліў «Вясну». Пасля ён прызнаецца: я не разлічваў, што давядзецца займацца праваабарончай дзейнасцю столькі год.

6. У сакавіку 2006 году Вацлаў Гавал уручыў Алесю Бяляцкаму за праваабарончую дзейнасць прэмію Homo Homini.

7. Алеся Бяляцкага двойчы вылучалі на Нобелеўскую прэмію міру. У 2007 годзе віцэ-прэзідэнт Міжнароднай федэрацыі правоў чалавека быў у так званым шорт-спісе верагодных кандыдатаў.

8. Муніцыпалітэт гораду Генуя ў 2010 годзе надаў старшыні праваабарончага цэнтра «Вясна» ганаровае грамадзянства.

9. Алеся Бяляцкага, як і на многіх прадстаўнікоў апазіцыі, у пачатку 2011 года атакавала «Советская Белоруссия».

10. Любімы дэвіз Алеся Бяляцкага: «Як будзе, так і будзе». Найлепшая парада, якую, ён, па яго словах, атрымаў: «Трымай язык за зубамі».

У тэксце выкарыстаны матэрыялы выданняў «Наша Ніва», «Свободные новости», euramost.org, а таксама «Радыё Свабода» і «Еўрарадыё».

0
:::::::::::::::::::::::::::: / Адказаць
06.08.2011 / 22:20
Статкевіч і Антончык(?) на заднім плане.. Ну ўсё: цяпер да кожнага дойдзе - які гэта суперскі чалавек.
0
гаспадар лiтоускi / Адказаць
06.08.2011 / 23:22
Свабоду Беляцкаму!!!
0
з жыцьця ап- намэнклатуры / Адказаць
06.08.2011 / 23:34
не ляпіце зь яго сьвятога. Гэты інтрыган актыўна раскалываў Беларускі народны фронт роўна як і ціхі сп.Чарняўскі
Паказаць усе каментары/ 126 /
Каб пакінуць каментар, калі ласка, актывуйце JavaScript у наладах свайго браўзеру