10.01.2007 / 22:28

Давайце пабачым, што будзе заўтра 15

Праз два дні пасьля газавага ляманту Беларусь прадала «Белтрансгаз»: маўляў, іншага выхаду не было. Праз шэсьць дзён пасьля ўвядзеньня нафтавых мытаў яны адмененыя. Расея патрабуе выканаць яшчэ й акт прыніжэньня -- вярнуць 80 тыс. тонаў нафты. Фактычна прызнаць факт крадзяжу. Піша Барыс Тумар.

Што насьцярожвала – што ўвядзеньне нафтавых мытаў адбылося дэманстратыўна, у жывым эфіры. Тонкая палітыка так ня робіцца. Гэта была бравада, гульня на беларускую публіку. Глядзіце, Гарант канстытуцыі змагаецца за наша самае дарагое, за нашу нацыянальную незалежнасьць.

Праз два дні пасьля газавага ляманту Гарант разьвёў рукамі і прадаў «Белтрансгаз»: маўляў, іншага выхаду не было. Толькі не кажыце мне, што 29‑га ён ня ведаў, што зробіць 31‑га.

Праз шэсьць дзён пасьля ўвядзеньня нафтавых мытаў яны адмененыя. Расея патрабуе выканаць яшчэ й акт прыніжэньня -- вярнуць 80 тыс. тонаў нафты. Фактычна прызнаць факт крадзяжу.

Давайце пабачым, што будзе заўтра. Ня дай Бог «Іншага выхаду няма» нумар два.

Бо выхад ёсьць! Няма чаго выдумляць ровар, на ім ужо праехалі нашы суседзі.

Барацьба за незалежнасьць заключаецца ня ў ляманце і нараканьнях на імпэрскую Маскву, а ў выбудоўваньні альтэрнатываў, выхадзе з залежнасьцяў. Дакуль на 16‑м годзе незалежнасьці Беларусь атрымлівае 90% энэрганосьбітаў з адных рук, гэта ніякая не барацьба за незалежнасьць.

Дакуль полчышча сакрэтных агентаў адсочвае маладых незалежнікаў‑Дашкевічаў, а другое полчышча разьвешвае газэты «Правда» ў кожным ЖЭСе, гэта зусім адваротнае ад барацьбы за незалежнасьць.

Прадалі мову, прадалі сьцяг, прадалі «Белтрансгаз». "У зямлянкі пойдзем, а на шантаж не паддамося". І ў чым жа наша непаддача? У чым наша незалежнасьць застаецца? У наяўнасьці свайго ўласнага прэзыдэнта?

Незалежнасьць Літвы гарантаваная, бо прэзыдэнт Літвы ня вольны ёю распараджацца аднаасобна. Ёсьць парлямэнт, грамадзянская супольнасьць мае права голасу, і свабодныя СМІ.

Незалежнасьць Беларусі стане гарантаванаю толькі тады, калі самадзяржаўя ня будзе.

Барыс Тумар

0
Пятрок / Адказаць
10.01.2007 / 22:45
Эуропа таксама атрымлiвае большую частка энерганосьбiтау з адных рук, i сення ,згодна з апошнiмi навiнамi,абмяркоувае гэтую праблему.Чаму мы не аказалiся разумнейшымi за адсталую Эуропу? Якiя крынiцы нам прапануе аутар? Iран? Венесуэлу? Hарвегiю?Нiгерыю?Зноу анiякай канкрэтыкi...
0
Napalm / Адказаць
10.01.2007 / 23:10
Незалежнасць Літвы гарантаваная не таму, што ''грамадзянская супольнасць мае права голасу'', а таму, што бальшыня насельніцтва (а не толькі грамадзянская супольнасць) тую самую незалежнасць падтрымлівае і гатовая яе абараняць, што у 1991, што у 2007. У Беларусі ж ''грамадзянская супольнасць'' і ''парламент'' на адносна дэмакратычным рэферэндуме сваё слова сказалі у 1996 годзе, так што свабода выбару яшчэ не гарантуе, што выбяруць незалежнасць (што аднак не азначае, што дыктатура - добра). Свабода слова, дэмакратыя і дзяржаўная незалежнасць - розныя паняцці(канешне, вельмі станоўчыя), і ня трэба іх звязваць... Бывае і незалежнасць пры дыктатуры, і далучэнне шляхам дэмакратычнага рэферэндуму напрыклад.
0
Молатаў / Адказаць
10.01.2007 / 23:14
Цікава, што паралельна з паказальнаю бравадаю, у дзяржаўных СМІ гучалі зьвесткі пра падрыхтоўку сустрэчы Лукашэнкі зь Юшчанкам. Калі я не памыляюся цікавасьць да Украіны у кантэксьце магчымага адраджэньня ідэі БЧК назіралася ўжо на пачатку мінулага году, дакладней, адразу пасьля выбараў. Відаць цяперашняе разьвіцьцё падзей таксама прагназавалася. У выпадку калі гэта не чарговая паказуха для Масквы, то значыцца пошукі альтэрнатыўных крыніцаў энэрганосьбітаў будуць у гэтым годзе весьціся актыўна. Адное, што які з гэтага будзе скутак - гэта ўжо іншае пытаньне. Наконт самадзяржаўя заўважана слушна. Толькі узьнікае адразу шэраг пытаньняў: 1. Што мусіць рабіць грамадзянская супольнасьць, як мусіць рэагаваць на закіды Расеі ды адпаведныя крокі АГЛ? У першую чаргу гэта тычыцца "выхаду няма" нумар два. 2. Які лёзунг мусяць высунуць дэмакратычныя сілы? Бо тутака сітуацыя дваістая
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру