9 жніўня споўніўся 101 год з дня нараджэння паэткі.
Рукою чорнай хтось крануўся крылаў,
Струн душы — і струны не звіняць.
Зноў груганы свабодны лёт спынілі,
На шлях свой хіжы звабіць наравяць.
Я ад зямелькі крыллем адаб’юся
І абміну ў палёце слізкі жах,
Злячу душой са сцежак Беларусі
На недасяжны, на паднебны шлях.
Ніхто не вольны — райце нам не сватаць,
Пакутамі скарочваць нашы дні.
Свая душа, свае шляхі ў крылатых
І праўды свет яснейшы з вышыні.
Ларыса Геніюш