З 12 жніўня дапушчальны ўзровень утрымання алкаголю ў крыві кіроўцаў зніжаецца з 0,5 да 0,3 праміле
З пачатку 2011 г. ДАІ зафіксавала каля 32 тыс. фактаў кіравання аўто ў стане ап’янення.
З пачатку 2011 г. ДАІ зафіксавала каля 32 тыс. фактаў кіравання аўто ў стане ап’янення.
У Беларусі з 12 жніўня дапушчальны ўзровень утрымання алкаголю ў крыві зніжаецца з 0,5 да 0,3 праміле, паведамляе УДАІ МУС Беларусі. У дарожнай міліцыі спадзяюцца, што гэтая мера дапаможа знізіць колькасць ДТЗ, якія адбываюцца па віне нецвярозых вадзіцеляў. Зніжэнне колькасці такіх аварый было адзначана ў першым паўгоддзі — здзейснена 292 ДТЗ, што на 20% менш, чым за аналагічны перыяд 2010 года. Знізілася і колькасць загінулых — 73 чалавекі (мінус 17%), а таксама параненых — 341 чалавек (мінус 20,5%).
Нягледзячы на зніжэнне колькасці ДТЗ, у якіх вінаватыя аматары спіртнога, інспектары выяўляюць на дарогах усё больш п’яных кіроўцаў. На 1 ліпеня мінулага года гэтая лічба складала каля 24 тыс., а ўжо ў першым паўгоддзі 2011-га зарэгістравана больш за 25 тыс. выпадкаў кіравання транспартам у нецвярозым выглядзе. Усяго ж з пачатку гэтага года ДАІ зафіксавала каля 31,8 тыс. такіх фактаў.
Дзяржаўтаінспекцыя нагадвае, што арт.18.16 «Кіраванне транспартным сродкам асобай, якая знаходзіцца ў стане ап’янення, перадача кіравання транспартным сродкам такой асобе або адмова ад праходжання праверкі (агляду)» КаАП Беларусі, у залежнасці ад сітуацыі, прадугледжвае штраф у памеры ад 15 да 45 базавых велічынь (адна базавая складае Br35 тыс.). Таксама вадзіцель можа быць пазбаўлены права на кіраванне транспартам на тэрмін да трох гадоў. Акрамя адміністрацыйнай адказнасці ёсць і крымінальная. Справа можа быць распачата па арт.317-1 КК Беларусі, якая прадугледжвае да двух гадоў пазбаўлення волі з пазбаўленнем права займаць пэўныя пасады або займацца пэўнай дзейнасцю.
У дарожнай міліцыі падкрэсліваюць, што п’яны кіроўца не толькі рызыкуе заплаціць буйны штраф або нават атрымаць судзімасць, але і падвяргае небяспецы іншых удзельнікаў дарожнага руху. Яны зусім не павінны пакутаваць з-за яго схільнасці да спіртнога.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1919
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс19
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары