Аб’яднаньне «Айчыне і Свабодзе» / ДННЛ падрыхтавала папраўкі да Крымінальнага кодэксу Латвію. Яны прадугледжваюць магчымасьць крымінальнага караньня асобаў, якія публічна адмаўляюць факт акупацыі гэтай краіны.
Прэс‑сакратар аб’яднаньня Ролянд Пэтэрсанс паведаміў, што «айчынаўцы» прапануюць дапоўніць Крымінальны кодэкс новым артыкулам, які вызначае, што публічнае адмаўленьне факту якой бы ні было акупацыі Латвіі ці публічны заклік да адмаўленьня гэтага факту могуць карацца пазбаўленьнем волі на тэрмін да трох гадоў ці грашовым штрафам ў памеры 60‑ці мінімальных заробкаў. Старшыня парлямэнцкай фракцыі Марыс Грынблатс заявіў : «Дзяржава мусіць клапаціцца пра тое, каб у грамадзтве панавала адно разуменьне найважнейшых фактаў гісторыі Латвіі”.
Папраўкі маюць шанец быць прынятымі, паколькі аб’яднаньне «Айчыне і Свабодзе» / ДННЛ уваходзіць у кіроўную кааліцыю.
