12.01.2007 / 16:34

Гераічны кот выратаваў сям’ю

Ня ўмеючы крычаць, ён запусьціў кіпцюры ў твар гаспадара.

Адважны кот выратаваў аўстралійскую сям’ю ад гібелі ў пажары.

Калі ўначы ў доме пачаўся пажар, паласаты беспародны кот, улюбёнец сям’і з гораду Кэрнс (штат Квінслэнд), паспрабаваў падняць на ногі сваіх гаспадароў. Аднак яны, пагружаныя ў глыбокі сон, ніяк не адрэагавалі на ягоныя намаганьні. Тады кот запусьціў кіпцюры ў твар гаспадара дому, што ў выніку і абудзіла мужчыну, які спаў на ўжо тлеючым матрасе.

«Гэты кот аказаўся найлепшым пажарным апавяшчальнікам», — сказаў пазьней адзін з пажарных.

Падобна на тое, што прычынай пажару быў недапалак. Дзякуючы кемліваму кату ўцалела ўся сям’я, а хуткае прыбыцьцё пажарнай каманды не дапусьціла значных пашкоджаньняў дому.

Каб пакінуць каментар, калі ласка, актывуйце JavaScript у наладах свайго браўзеру