17.08.2011 / 18:08

Фотафакт: Як захоўваецца Расонскі ідал даслала чытачка. Трывога! 44

Знаходка археолагаў выстаўлена ў вестыбюлі Інстытута гісторыі НАН РБ. Яна загорнутая ў дзіравы поліэтыленавы мех.

Знаходка археолагаў выстаўлена ў вестыбюлі Інстытута гісторыі НАН РБ. Яна загорнутая ў дзіравы поліэтыленавы мех.

Знаходка захоўваецца ў вестыбюлі каля падваконня.

Пад поліэтыленам збіраецца кандэнсат.

Праз дзіры ў цэлафане ў знаходку пранікаюць споры, пылок пакаёвых раслін.

У НН прыйшоў ліст ад чытачкі, у якім яна расказвае пра тое, як захоўваецца знойдзены нядаўна на Расоншчыне драўляны ідал. Прыводзім ліст Ганны цалкам.

«Ва ўніверсітэце нас вучылі, што раскопкі без далейшай кансервацыі падобныя варварству. У СМІ ў тым ліку ў «Нашай Ніве» змешчана інфармацыя пра знаходку ўнікальнага артэфакта — драўлянай выявы ідала меркавана перыяду ранняга сярэднявечча, знойдзенага ў Расонском раёне ў рэчцы Дрысе. Знаходка выстаўлена ў вестыбюлі Інстытута гісторыі НАН РБ. Учора я вырашыла зайсці ў Інстытут гісторыі і ўбачыць ідала на свае вочы. Знаходка абгорнутая поліэтыленавай плёнкай, месцамі падранай, стаіць побач з падваконнем, застаўленым вазонамі. Пад уздзеяннем сонечных прамянёў, якія пранікаюць праз вакно, пад поліэтыленам утвараецца высокая тэмпература. А праз дзіры ў цэлафане ў знаходку пранікаюць споры, пылок пакаёвых раслін, бактэрыі. Не трэба быць вялікім спецыялістам, каб зразумець, што з улікам падвышанай тэмпературы і вільготнасці праз некалькі дзён уся знаходка будзе заражана і пачнецца працэс яе разбурэння. На мой погляд, неабходна самае тэрміновае ўмяшанне адмыслоўцаў для выратавання гэтага артэфакта».

NN.BY

0
Гнацько / Адказаць
17.08.2011 / 18:19
Гэта Ідал ці чэлес?
0
valkyrija / Адказаць
17.08.2011 / 18:27
Адразу сумнеў быў, ці ёсць сэнс перадачы ідала ў Акадэмію «Павук» (як пяюць браслаўскія хлопцы). Часам крамольныя думкі - расцягнулі б у розныя бакі, магчыма, захавалася б.
0
аляксей / Адказаць
17.08.2011 / 18:31
Няўжо і ў Акадэміі вандалы? Ды зрабіце ж што-небудзь!
Паказаць усе каментары/ 44 /
Каб пакінуць каментар, калі ласка, актывуйце JavaScript у наладах свайго браўзеру