21.08.2011 / 10:22

Паўстанне ў Трыпалі + гугл-мапа баёў у Трыпалі 26

Уначы з суботы на нядзелю ў Трыпалі пачаліся баі. Лівія баіцца крывавага фінала шматмесячнага паўстання.

Уначы з суботы на нядзелю ў сталіцы Лівіі, Трыпалі, пачаліся баі.

Паўстанцы ў Бенгазі назвалі падзеі пачаткам народнага паўстання супраць Кадафі ў сталіцы. Прадстаўнік Кадафі, у сваю чаргу, заявіў, што гэта некалькі дзясяткаў здраднікаў радзімы праніклі ў сталіцу, але сілавыя структуры даюць ім адпор.

Сам Кадафі выступіў з аўдыёзваротам да нацыі, у якім павіншаваў нацыю, з тым што «яна адбіла атаку пацукоў на Трыпалі».

«Людзі цалуюць мае партрэты. Я лідар нацыі, я яе бацька», — падкрэсліў ён.

«Пасля заканчэння прамовы Кадафі, наглядчыкі [прыстаўленыя да замежных журналістаў] пачалі апладзіраваць, пасля чаго за акном [гатэля, у якім жывуць замежныя журналісты], аднавілася перастрэлка», — перадае карэспандэнт CNN.

Адзін з інтэрнаўтаў стварыў інтэрактыўную мапу баёў у Трыпалі. Зялёным пазначаныя пазіцыі прыхільнікаў Кадафі. Чырвоным — раёны, узятыя пад кантроль паўстанцамі.

Карыстальнікі Твітара з Трыпалі паведамляюць, што сітуацыя ў горадзе застаецца няпэўнай. Яны наракаюць, што ў паўстанцаў не вытрымалі нервы. Паўстанне распачалося, калі асноўныя сілы паўстанцаў застаюцца за некалькі дзясяткаў кіламетраў ад горада.

На мінулым тыдні паўстанцы ўзялі Трыпалі ў колца.
Яны ўвайшлі ў гарады, што стаяць на трох вялікіх дарогах, якія вядуць у сталіцу з захаду, поўдня і ўсходу краіны — Заўя, Гарыян, Злітан. Усюды яны абапіраліся на мясцовых жыхароў, настроеных супраць Кадафі.
У апошнія дні на бок паўстанцаў або за мяжу ўцяклі два міністры ўрада Кадафі і былы прэм’ер-міністр краіны.
У Трыпалі Кадафі карыстаецца адносна вялікай падтрымкай. У той жа час цяжка ацаніць падтрымку паўстанцаў там: за час 42-гадовага кіравання Кадафі людзі прывучыліся да жыцця ў страху. У сталіцы жыве каля траціны насельніцтва краіны.

У стратэгічным сэнсе пасля таго, як паўстанцы ўзялі сталіцу ў кола, вайну для Кадафі можна лічыць прайгранай. Аднак кіраўнікі часовага ўрада, утворанага паўстанцамі, баяцца, што Кадафі можа ператварыць свае апошнія дні ў крывавую лазню і падарваць асноўныя аб’екты інфраструктуры сталіцы. Акрамя таго,

нестабільнасць у Лівіі можа захавацца на доўгія гады, калі Кадафі пяройдзе да партызанскіх метадаў вайны,
абапіраючыся на верныя сабе плямёны. У той жа час прымірэнне бакоў, пераход да дэмакратычных метадаў канкурэнцыі цяжка сабе ўявіць у краіне, якая раней існавала фактычна ў форме сучаснага султаната.
Сілавыя структуры Лівіі ўзначальваюць сыны і іншыя сваякі палкоўніка Кадафі.
Перастрэлкі і выбухі ў Трыпалі гучалі цэлую ноч і не сціхлі ўранку. Яны былі чуваць у некалькіх раёнах горада, дзе апазіцыйныя настроі наймацнейшыя.

Лівія — краіна плошчай 1,8 млн кв. кіламетраў (9 разоў большая за Беларусь), але маланаселеная (6,4 млн жыхароў, у 1,5 разу менш, чым у Беларусі). Большую частку краіны займае пустыня, а людзі жывуць пераважна на ўзбярэжжы і ў гарах на поўначы краіны.

Жывы блог пра падзеі ў Трыпалі па-ангельску — на арабскім канале «Аль-Джазіра».

Хочаш падзяліцца важнай інфармацыяй ананімна і канфідэнцыйна?

Сяргей Гезгала

0
Коля з турка / Адказаць
21.08.2011 / 10:46
Вся страна его проклинает, а он кричит в истерике бьётся я отец нации. На принудительное лечение.
0
Бабулька / Адказаць
21.08.2011 / 10:58
«Людзі цалуюць мае партрэты. Я лідар нацыі, я яе бацька», — падкрэсліў ён. --------------------------------- Нагадвае выказванне аднаго, усім вядомага "любімчыка" - "не будзе мяне, і людзі прама на вуліцы стануць ад голаду паміраць".
0
label / Адказаць
21.08.2011 / 11:57
Якія ж яны малайцы, негледзячны на тое, што ўвесь сьвет іх пакінуў у такой сітуаці, яны мужна працягвалі змагацца. Хай ім дапаможа Бог.
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру