Мінск застаўся без «Еўраспорта» 19

Найбуйнейшы кабельны аператар сталіцы МТІС не знайшоў валюты, каб працягнуць кантракт на трансляцыю каналаў «Еўраспорт» і «Еўраспорт-2». Такую прычыну паведамляюць у службе падтрымкі аператара. Разам з тым, бягучы радок паведамляе, што перапынак у трансляцыі выкліканы «тэхнічнымі прычынамі».

«Еўраспорт» — самы папулярны еўрапейскі спартыўны канал.

На тэрыторыі Беларусі паказвалася карцінка з каментаром расійскай дырэкцыі тэлеканала. Алімпійскія гульні, кубак свету па біятлоне, адборачныя гульні футбольных чэмпіянатаў свету і Еўропы — усё гэта з’яўлялася ў эфіры «Еўраспорта».

Замест «Еўраспорта» мінчане ўбачаць канал «СпортСаюз» ад НТВ+.

Ягоная праграма на бліжэйшы тыдзень уключае ў сябе чэмпіянаты Расіі і Германіі па футболе, а таксама адкрыты чэмпіянат ЗША па тэнісе.

МТІС вылучаецца сярод астатніх кабельных аператараў хаатычнай зменай каналаў. Чэрвеньскае выдаленне расійскага забаўляльнага канала

ТНТ выклікала масавае абурэнне абанентаў. Тым не менш

паслугамі аператара карыстаецца каля 85% насельніцтва горада.

Ягор Марціновіч

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ