Лукашэнка кажа, што беларусы купляюць машыны па 12 тыс. даляраў а на якіх машынах ездзіце Вы? 45

У выступе перад настаўнікамі 29 жніўня Аляксандр Лукашэнка назваў шэраг фактараў, якія, на ягоную думку, «ускладнілі сітуацыю ў эканоміцы».

У прыватнасці, адзначыў ён, напярэдадні выраўноўвання мытаў на аўтамабілі ў Мытным саюзе грамадзяне Беларусі ўвезлі ў краіну больш як 250 тыс. аўтамабіляў, што амаль у два разы больш, чым за мінулыя гады. Адпаведна, з краіны на гэтыя мэты было вывезена каля $3 млрд, сказаў ён.

Калі верыць Лукашэнку, сярэдні беларус купляў сабе машыну за 12 тысяч даляраў.

Гэтая лічба, здаецца, вельмі далёкая ад рэальнасці. Машыны, даражэйшыя за 10 тыс. даляраў, пераважаюць хіба што ў некалькіх заможных кварталах сталіцы. Сярэдні беларус ездзіць не на амаль новым «Гольфе» ці 7-гадовай «Аўдзі», а на нашмат больш бюджэтных або старэйшых машынах.

А як думаеце Вы? На якіх машынах ездзіце Вы?

Сяргей Гезгала

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ