Аляксандр Лукашэнка запатрабаваў не праводзіць беспадстаўных эмісій нацыянальнай валюты.
«Адначасова з мерамі курсавой палітыкі катэгарычна патрабую ад Нацбанка і ўрада: ніякай эмісіі. Усе будоўлі і праекты павінны фінансавацца за кошт здаровых неэмісійных крыніц», — заявіў ён 30 жніўня на нарадзе па пытаннях
На думку Лукашэнкі, найбольш вострыя праблемы ў эканоміцы, у прыватнасці сітуацыю з валютай, удасца вырашыць да канца года. «Гэта дробязь. Гэтая праблема знікне максімум у найбліжэйшым годзе, а жыццё будзе працягвацца», — цытуе яго словы дзяржаўнае агенцтва БелТА.
У якасці адной з прыярытэтных задач для ўрада ён таксама назваў імпартазамяшчэнне.
Акрамя таго, ён ўказаў на неабходнасць выканання рэспубліканскага і мясцовых бюджэтаў толькі ў межах даходаў. «Ёсць грошы ў бюджэце — трацьце, няма — шукайце самі, да мяне не хадзіце», — папярэдзіў Лукашэнка.
