31.08.2011 / 16:21

Зорка сусветнага футбола Матэя Кежман заключыў кантракт з БАТЭ абноўлена 28

Сёння ён прайшоў медабследаванне ў Мінску.

Кантракт з ФК БАТЭ заключыў сербскі форвард Матэя Кежман. Гэта пагадненне разлічана да канца года з магчымасцю падаўжэння на больш працяглы тэрмін. Форвард будзе ўключаны ў заяўку ФК БАТЭ для ўдзелу ў групавым турніры Лігі чэмпіёнаў,
паведамляе афіцыйны сайт клуба.

32-гадовы Матэя Кежман — адзін з самых папулярных футбалістаў Сербіі. За сваю выдатную кар’еру ён сабраў багатую калекцыю разнастайных узнагародаў і тытулаў. Матэя станавіўся чэмпіёнам Югаславіі, Галандыі, Англіі і Турцыі, уладальнікам Кубка англійскай Лігі, Кубка Францыі, Суперкубка Галандыі і Турцыі У 2000–06 гады выступаў у складзе зборнай Сербіі, у складзе якой правёў 49 матчаў і забіў 17 галоў. У чэмпіянатах вышэйшых дывізіёнаў розных краін правёў 345 матчаў, у якіх забіў 187 галоў. У паслужным спісе Кежмана 91 еўракубкавы паядынак і 27 забітых у іх мячоў.

БАТЭ апошнія дні шукаў форварда ўзамен Віталю Радзівонаву, што выбыў больш чым на паўгода з-за траўмы.

Праз два тыдні БАТЭ чакае старт у групавым турніры Лігі чэмпіёнаў.

Кежман: Спадзяюся, што час праведзены ў БАТЭ, пакіне самыя добрыя ўспаміны

nn.by

0
Кірыл / Адказаць
31.08.2011 / 16:39
Відавочна, Кежман марыць стаць вядучым "Падарожжа дылетанта". Беларускія вёскі ўжо чакаюць яго. А наогул цікава, апошні шанец Кежмана ў лізе чэмпіёнаў згуляць.
0
Aleś Jurkaviec / Адказаць
31.08.2011 / 16:54
Думаю, больш правільна было б напісаць не "зорка", а "былая зорка". Бо дзеючыя футбольныя зоркі наўрад ці ў Ганконгу апынуліся б, туды звычайна едуць на добрыя грошы, але ўжо проста "дагульваць". Кежман - добры футбаліст, але лепшыя часы якога ўжо відавочна прайшлі. Што, вядома, не азначае, што для БАТЭ ён будзе бескарысны, улічваючы, што наша каманда ніколі ў гісторыі не была "зорнай".
0
Valacuga / Адказаць
31.08.2011 / 16:59
ПСВ, «Чэлсі», «Атлетыка», «Фенербахчэ», «Зеніт», «ПСЖ», South China... =================== U bateshnikau dakh zusim tryvac` nja stau? Blin, jany trymajuc` na lave Skavysha, a kupljajuc` u ataku antykvaryjat.
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру