31.08.2011 / 16:40

Аператар «МТС» адмовіўся ад удзелу ў конкурсе на атрыманне LTE-частот 2

Беларуска-расійскае СТАА «Мабільныя ТэлеСістэмы» адмовілася ад удзелу ў паўторным конкурсе на атрыманне LTE-частот. Аб гэтым БелаПАН паведамілі ў прэс-службе аператара.

«МТС» забяспечвае развіццё сучасных тэлекамунікацыйных тэхналогій у Беларусі. У прыватнасці, цяпер «МТС» (Беларусь) актыўна рэалізуе праект па пашырэнні сеткі 3G. Разам з тым «МТС» — камерцыйная кампанія, дзейнасць якой будуецца на прынцыпах эканамічнай мэтазгоднасці. Рашэнне аб няўдзеле ў паўторным тэндары на атрыманне LTE-частот прынята на аснове дадатковаа праведзенай ацэнкі эфектыўнасці інвестыцый. Пры гэтым у перспектыве кампанія не выключае ўдзелу ў разгортванні сетак LTE ў Беларусі ў дадатак да сетак 3G», — пракаментаваў рашэнне кампаніі генеральны дырэктар СТАА «МТС» Уладзімір Карповіч.

Конкурс на LTE-частоты быў аб’яўлены Мінсувязі 29 красавіка 2011 года. Пазней было прызнана, што ён не адбыўся, пасля чаго Мінсувязі аб’явіла паўторны конкурс. Конкурсныя дакументы на ўдзел у паўторным тэндары запыталі дзевяць кампаній, аднак ні адна з іх не падала конкурсную прапанову.

Планам мерапрыемстваў па выкананні праграмы сацыяльна-эканамічнага развіцця Беларусі на 2011–2015 гады, зацверджаным пастановай урада ад 11 ліпеня 2011 года № 942, у краіне да 2013 года прадугледжана ўкараніць паслугі сотавай рухомай электрасувязі чацвёртага пакалення (LTE).

Long Term Evolution (LTE, 4G) — перспектыўнае (чацвёртае) пакаленне мабільнай сувязі, якое характарызуецца высокай хуткасцю перадачы дадзеных і павышанай якасцю галасавой сувязі. Дзякуючы 4G абанент атрымлівае высокахуткасны інтэрнэт, інавацыйныя і мультымедыйныя паслугі, мабільнае тэлебачанне з выявай узроўню Full HD або ў 3D-фармаце, аўдыё- і відэакантэнт самай высокай якасці ў рэжыме рэальнага часу, новы ўзровень інтэрактыўных зносінаў.

0
Зважай на LTE! / Адказаць
01.09.2011 / 00:02
Па Polsat'у цяпер увесь час рэклама гэтага ЛТЭ. Хуткасьць там ДА 100Мб/секунду. Але насамрэч, як прызнаюць карыстальнікі, нашмат менш. Так што глядзець он-лайн НD з такім сецівам ніяк не атрымаецца...
0
Грачиха / Адказаць
10.09.2011 / 15:16
Смотреть онлайн HD на смартфоне или КПК? Для приличного HD ТВ мобильный интернет не надо - есть фиксированная интернет-точка. МТС приняли правильное решение.
Каб пакінуць каментар, калі ласка, актывуйце JavaScript у наладах свайго браўзеру