Партыя БНФ атрымала пісьмовы дазвол Мінгарвыканкама на правядзенне з’езда ў ПК Мінскага трактарнага завода,паведаміў лідар партыі Аляксей Янукевіч.
«Чарговы з’езд Партыі БНФ пачне працу 10 верасня, пры неабходнасці ён можа атрымаць працяг на наступны дзень», — сказаў ён.
Плануецца, што ў працы з’езда возьмуць удзел прыкладна 230 дэлегатаў з усіх абласцей краіны і Мінска.
Асноўныя пытанні з’езда: абранне новага кіраўніцтва партыі, унясенне зменаў у статут, а таксама разгляд стратэгіі дзейнасці арганізацыі на найбліжэйшыя два гады.
У прыватнасці, змены ў статут Партыі БНФ прадугледжваюць, што старшынства ў ёй можа быць абмежавана двума тэрмінамі. Акрамя таго, плануецца павялічыць тэрмін старшынства ў партыі з двух да трох гадоў.
0
0
0
0
0
0