02.09.2011 / 12:54

У захопленым паўстанцамі будынку лівійскай разведкі знайшлі папкі «Белтэхэкспарта» + фоты 40

Рэпарцёры наведалі будынак і пазнаёміліся з паперамі, якія там застаюцца.

Лівійскія паўстанцы дазволілі рэпарцёрам наведаць будынак лівійскай разведкі і пазнаёміцца з паперамі, якія там застаюцца.

Каталог беларускага экспарцёра ўзбраенняў валяецца на падлозе лівійскай спецслужбы. Фота aljazeera.net.

Будынак спецслужбы разбамбілі ў маі. Фота aljazeera.net.

Удары былі дакладнымі: корпус спецслужбы раструшчаны, а ў суседнім будынку толькі шыбы вылецелі. Фота aljazeera.net.

Ракета прабіла будынак ад гары да сутарэння. Фота aljazeera.net.

Пакеты з рэзанай паперай у офісе спецслужбы. Фота aljazeera.net.

Папкі з дакументамі важнымі і няважнымі складаліся гадамі. Фота aljazeera.net.

Будынак ахоўваюць аўтаматчыкі, але архівамі спецслужбыў пакуль ніхто не займаецца.

НАТО разбамбіла офіс у маі, пасля гэтага ён мала выкарыстоўваўся. Тым не менш, у ім засталіся захоўвацца матэрыялы лівійскай дзяржбяспекі, у тым ліку сакрэтныя. З іх вынікае, што кадафісты слаба разумелі, хто кіруе паўстаннем. Унутраныя рапарты сведчаць: па меры нарастання пратэстаў расла і разгубленасць спецслужбы.

Аўтары аналітычных запісак з лівійскай спецслужбы самі адзначаюць нізкі патэнцыял яе, адсутнасць кваліфікаваных спецыялістаў.

Многія аналітычныя дакументы падмяняюць інфармацыю прапагандай:
спецслужбісты недаацэньвалі лідараў паўстання.
Як і дзяржаўныя СМІ Лівіі, яны малявалі іх алкаголікамі, фанатыкамі ці маргіналамі. Аднак па меры таго, як паўстанне шырылася, у спецслужбах нарастаў непакой.
Яны праслухоўвалі тэлефонныя размовы кіраўнікоў паўстання, але не маглі зразумець сэнс кодавых словаў у іх размовах.
Яны не былі здольныя сабраць інфармацыю пра сілы паўстанцаў у ключавых пунктах. Яны перахоплівалі э-мэйлы кіраўніцтва Часовай пераходнай рады, але гэтыя звесткі ніяк ім не дапамагалі. У іх былі агенты ўнутры паўстанцкага руху, але яны працавалі за грошы, а не за сумленне, і таму перадавалі памылковую ці абы-якую інфармацыю, вымагаючы шалёных ганарараў.

У той жа час, можна меркаваць, што гэта кадафісты арганізавалі забойства кіраўніка ўзброеных сіл паўстанцаў — міністра ўнутраных спраў, які перайшоў на бок праціўнікаў Кадафі. Мэтай аперацыі было пасеяць недавер і варожасць між лідарамі апазіцыі.

Што цікава, на фоты сусветных агенцтваў трапілі і каталог беларускага экспарцёра ўзбраенняў «Белтэхэкспарта».

Гэта кампанія на чале з Пефціевым, нагадаем, трапіла пад санкцыі Еўрасаюза супраць лукашэнкаўцаў.

0
Недоюрист / Адказаць
02.09.2011 / 12:59
Эта фсё гнусная фальшыука, сфабрикованая у Польшы и Германии. (с)
0
привет из Гааги / Адказаць
02.09.2011 / 13:24
Понятно, чего гэбовские вороны тут так каркали. Готовьтесь, уже скоро...
0
Дмитрий / Адказаць
02.09.2011 / 13:28
Это бизнес - ничего личного. (с) (Фильм "Крестный отец")
Паказаць усе каментары/ 40 /
Каб пакінуць каментар, калі ласка, актывуйце JavaScript у наладах свайго браўзеру