02.09.2011 / 14:29

«Я абіраўся сямнаццаць разоў запар пажыццёва» + найлепшыя эпізоды з фільмаў 11

Кінаактору Яўгену Лявонаву сёння споўнілася б 85 гадоў.

Сёння вялікаму расійскаму кінаакцёру Яўгену Лявонаву споўнілася б 85 гадоў.

Адзін з самых любімых народам акцёраў савецкага кіно нарадзіўся ў Маскве ў 1926 годзе. У 1947-ым скончыў Маскоўскую тэатральную студыю і стаў акцёрам тэатра Станіслаўскага.

У 1961 годзе, пасля фільма «Паласаты рэйс» Лявонаў зрабіўся сапраўднай зоркай. Яго любяць за ролю караля-самадура з «Звычайнага цуда», іншапланецяніна з «Кін-дза-дза», Дацэнта з «Джэнтльменаў удачы» і дзясяткаў іншых класічных фільмаў. Лявонаву ўдаваліся не толькі камедыйныя ролі, але і драматычныя — як у «Данской аповесці» па апавяданнях Шолахава.

Лявонаў заставаўся сабой у зусім розных ролях. Ад «хворага на ўсе псіхічныя і неўратычныя хваробы» бургамістра, які пераабіраецца на пасаду 17 разоў пажыццёва з фільма «Забіць дракона»,

да агучкі Віні-Пуха, пасля якога глядзець амерыканскую версію казкі ўсім жыхарам былога СССР проста складана.

Дарэчы, «ролю» Віні-Пуха сам актор лічыў галоўнай у сваім жыцці…

Лявонаў пайшоў з жыцця ў 29 студзеня 1994 года, за некалькі гадзін да чарговага спектакля. Калі са сцэны абвесцілі, па якой прычыне не адбудзецца спектакль, ніхто з гледачоў не здаў квіткоў. Людзі са свечкамі і кветкамі некалькі гадзінаў стаялі ля будынка «Ленкому», шануючы памяць пра сапраўды народнага акцёра.

ЮУ

0
Чылімка / Адказаць
02.09.2011 / 14:54
Харошы быў чалавек, харошы актор... І артыкул харошы. Рэкамэндую паглядзець адзін з апошніх фільмаў рэжэсэра Гайдая "Па запалкі" ("За спічкамі") зь Лявонавым у галоўнай ролі. Цудоўны фільм!
0
Петр Кришталь / Адказаць
02.09.2011 / 15:03
А я, прочитав статью, решил посмотреть "Американского дедушку". Замечательный актер.
0
Равяка / Адказаць
02.09.2011 / 15:37
Можа "Забіць цмока"!?
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру