02.09.2011 / 16:42

Год таму загадкава загінуў журналіст Алег Бябенін 3

Яго знайшлі павешаным на ўласным лецішчы. Афіцыйная версія —самагубства.

Яго знайшлі павешаным на ўласным лецішчы. Афіцыйная версія —самагубства.

Алег Бябенін. Затрыманне на адной з акцый апазіцыі.

Дом у Пярхураве, дзе знашлі нежывым Бябеніна.

Год таму 3 верасня 2010 года на ўласным лецішчы ў вёсцы Пярхурава пад Мінскам быў знойдзены павешаным заснавальнік апазіцыйнага сайта Charter97.org Алег Бябенін.

Следства ў якасці папярэдняй прычыны смерці журналіста адразу ж абрала самагубства. Сябры і паплечнікі загінуўшага, сярод іх Андрэй Саннікаў, Мікалай Халезін, Зміцер Бандарэнка, гэтую версію паставілі пад сумнеў. Высвятляліся новыя акалічнасці справы, у сяброў Алега раслі падазрэнні і сумневы. Але следства прытрымлівалася першапачатковай лініі.

Загадкавая смерць памочніка аднаго з прэтэндэнтаў на пасаду прэзідэнта (Андрэя Саннікава — nn.by) перад пачаткам вырашальнай стадыі выбарчай кампаніі на кароткі момант аб’яднала беларускую апазіцыю. Развітацца з ім прыйшлі лідары партый і рухаў, грамадскія дзеячы.

Справа Бябеніна мела міжнародны рэзананс. Пра яго таямнічую смерць пісалі замежныя СМІ, кіраўнік Еўрапарламента заклікаў правесці аб’ектыўнае расследаванне акалічнасцяў смерці журналіста. З імі салідарызаваліся іншыя еўрачыноўнікі.

У рэшце беларускія ўлады запрасілі да ўдзелу ў расследаванні экспертаў-крыміналістаў з краін — членаў АБСЕ. У лістападзе мінулага года яны апублікавалі вынікі сваёй працы ў Беларусі. Яны прыйшлі да высновы, што журналіст скончыў жыццё самагубствам.

Урэшце, пракуратура Мінскай вобласці, якая праводзіла расследаванне, абвясціла прычынай смерці Бябеніна самагубства.

***

Алег Бябенін нарадзіўся ў 1974 годзе. Скончыў факультэт журналістыкі Беларускага дзяржаўнага універсітэта. У 1990-я гадах працаваў намеснікам галоўнага рэдактара недзяржаўнай газеты «Імя». Заснаваў у 1998 годзе сайт charter97.org і быў яго кіраўніком. У яго засталіся жонка і двое сыноў.

nn.by

0
Еще одна жертва Режима / Адказаць
02.09.2011 / 17:27
Доколе, Господи, нечестивые, доколе нечестивые торжествовать будут? Они изрыгают дерзкие речи; величаются все делающие беззаконие; попирают народ Твой, Господи, угнетают наследие Твое; вдову и пришельца убивают, и сирот умерщвляют и говорят: "не увидит Господь, и не узнает Бог Иаковлев". (Библия, Псалом 93:3-7)
0
Майк / Адказаць
02.09.2011 / 21:03
Лук-ТВ народу "врот"! "Врот" ужо не першы год. Хутка зменiцца усё, людзi. Будзе усё наадварот! --------------------- Пакой яго душы! Ад Аляксандра Кулiнковiча. Светлай памяцi Алега Бебенiна - слухайце, пампуйце. http://muzon.fm/?q=%D0%9D%D0%B5%D0%B9%D1%80%D0%BE+%D0%94%D1%8E%D0%B1%D0%B5%D0%BB%D1%8C+%D0%9F%D0%B8%D0%B4%D0%B0%D1%80%D0%B0%D1%81%D1%8B
0
Coccinellidae / Адказаць
04.09.2011 / 06:10
лука павiнен за усiх,хто загiнуу i знiк без вестак, адказаць
Каб пакінуць каментар, калі ласка, актывуйце JavaScript у наладах свайго браўзеру