02.09.2011 / 20:56

Без зубоў. Беларусь — Боснія — 0:2 дадалося відэа 47

Зборная Беларусі прайграла адзін з найважнейшых матчаў у адборачным турніры.

На мінскім стадыёне "Дынама" прайшоў матч адборачнага турніру чэмпіянату Еўропы 2012 года паміж зборнымі Беларусі і Босніі і Герцагавіны.

Хлопчыкі са сцягамі Босніі.

Гэты сцяг вы пазналі.

Як паказала гульня, мы беларусы -- мірныя людзі.

Выканананне дзяржаўнага гімна.

Насамрэч у варатара гасцей Хасагіча было няшмат працы -- усяго адзін удар у створ варот.

Кульчый адбірае мяч у футбаліста, што забіў другі мяч -- Харыса Медуяніна.

Спахіч і Захіравіч Калачову: Мячык аддай!.

Беларускія фанаты хварэлі заўзята

Панджа і Карніленка.

Б-12 не змаўкалі ні на хвіліну

Штанге. Апошнім матч на "Дынама"?

Праблема брудных зэдлікаў стаіць не першы год.

Зборная Беларусі пакуль не навучылася гуляць самыя важныя матчы ў адборачным турніры. Украіна, Харватыя, цяпер Боснія.

Беларусы атакавалі першыя пяць хвілінаў, потым ініцыятыву пакрысе перахапілі балканскія футбалісты. Праўда, на 15-й хвіліне беларусы ледзь не заштурхалі мяч у варожыя вароты, баснійцы, як кажуць, адскочылі.

З пенальці на 22-й хвіліне лік адкрыў Сеяд Саліхавіч. 11-метровы быў прызначаны за гульню рукой у сваёй штрафной.

Ужо праз дзве хвіліны Харыс Медуянін лік падвоіў (пасля падачы вуглавога) -- 2:0.

Затым баснійцы зачыніліся. 0:2 лік быў для іх цалкам прымальны.

На 13-й хвіліне 2-га тайма за чашай стадыёна, за Усходняй трыбунай, пачаўся салют. Выглядае ён трэба сказаць досыць дзіўна. Асабліва, калі ўлічыць, што пачаўся матч з хвіліны маўчання па супрацоўніку Беларускай федэрацыі футбола 38-гадовым Уладзіміру Еўсюку, што нечакана памёр 26 жніўня ў цягніку Масква -- Мінск.

Сёння ў нашай групе перамагалі толькі госці: Румынія выйграла ў Люксембурга 0:2, а Францыя ў Албаніі -- 2:1.

У групе "Е" зборная Фінляндыі разграміла Малдову з лікам 4:1. Нашчадкі Манергейма -- нашыя будучыя супернікі ў адборачным турніры да чэмпіянату свету 2014 года.

6 верасня Боснія і беларусь згуляюць на Балканах у Зеніцы. Каб захаваць шансы на плей-оф беларусам трэба толькі перамагаць.

***

Зборная Беларусі: Жаўноў (к), Кульчый, Мартыновіч, Калачоў, Трубіла, Карніленка (Варанкоў, 64), Жаўнерчык (Сітко, 64), Пуціла, Кісляк, Верхаўцоў, Шытаў.

Боснія і Герцагавіна: Хасагіч, Панджа, Папац, Спахіч (к), Рахіміч, П’яніч, Джэка (Місімавіч, 81), Захіравіч, Саліхавіч (Малеціч, 72), Луліч, Медуянін (Муслімавіч, 87).

Галоўны арбітр: Віктар Кашаі (Венгрыя).

Мінск, 2 верасня, стадыён «Дынама».

***

Становішча камандаў пасля сённяшняга дня:

Францыя — 16 балаў (7 гульняў; розніца мячоў 11–3)
Боснія — 13 (7; 10–7)
Беларусь — 12 (8; 6–4)
Румынія — 11 (7; 10–6)
Албанія — 8 (7; 5–8)
Люксембург — 1 (8; 1–15).

6 верасня

Боснія — Беларусь
Люксембург — Албанія
Румынія — Францыя

7 кастрычніка

Румынія — Беларусь
Боснія — Люксембург
Францыя — Албанія

11 кастрычніка

Албанія — Румынія
Францыя — Боснія.

Алег Гардзіенка, фота Сяргея Гудзіліна

0
Памылка / Адказаць
02.09.2011 / 21:13
Самая вялікая памылка беларускага футбольнага кіраўніцтва - гэта Штанге. Чатыры гады стагнацыі зборнай. Чатыры гады марных высілкаў. Чатыры гады тармажэньня. Чаго ставала - дык гэта балбатні ды разумнічан'я. Штанге, гэтага ....-тэарэтыка Штанге, у неадкладную адстаўку! Толькі Ганчарэнка! Рэгулярна патрабую гэтага цягам некалькі гадоў - як у сьцяну гарохам!
0
555 / Адказаць
02.09.2011 / 21:19
Позорники Вообще смотреть даже не хочется Ударить не могут
0
abibok / Адказаць
02.09.2011 / 21:20
Штанге умоток бездарный, что это ваще за состав такой. Пора его на родину отправлять!!!
Паказаць усе каментары/ 47 /
Каб пакінуць каментар, калі ласка, актывуйце JavaScript у наладах свайго браўзеру