З адкрыццём у сярэдзіне верасня дадатковай сесіі на Беларускайвалютна-фондавай біржы (БВФБ) «адначасова практычна цалкам спыняюцца аперацыі на міжбанкаўскім валютным рынку», заявіў першы намеснік старшыні праўлення Нацыянальнага банка Беларусі Мікалай Лузгін.
Як растлумачыў прадстаўнік Нацбанка ў інтэрв’ю журналістам, фрагменты якога былі паказаныя па беларускіх тэлеканалах, такая мера скіраванае на тое, каб усе здзелкі з замежнай валютай ажыццяўляліся на БВФБ па адзіным курсе на падставе попыту і прапановы.
«Для таго каб ён (курс на дадатковай сесіі.) не вельмі рэзка вырас у параўнанні з афіцыйным курсам, будуць зробленыя дадатковыя захады — зацісканне попыту на валюту і павелічэнне прапановы», — сказаў Лузгін.
У той жа час, адзначыў ён, Нацбанк будзе ажыццяўляць толькі кропкавыя, кан’юнктурныя інтэрвенцыі на дадатковай сесіі.
«Кан’юнктурныя ваганні будуць гасіцца інтэрвенцыямі Нацбанка. У цэлым жа, не поўнасцю, але ў асноўным, курс другой сесіі будзе вызначацца попытам і прапановай», — адзначыў прадстаўнік Нацбанка. «Мы імкнемся сціснуць рублёвую грашовую масу і тым самым скараціць попыт на замежную валюту», — патлумачыў ён.
Паводле слоў першага намесніка кіраўніка Нацбанка, дзеля развіцця гэтай праграмы прыняты ўласны план дзеянняў. Будзе рэалізаваны шэраг мер эканамічнага і тэхнічнага характару, з якіх рост стаўкі рэфінансавання не адзіны.
Ён таксама паведаміў, што з 1 чэрвеня Нацбанк поўнасцю спыніў ільготнае крэдытаванне, выдачу сродкаў на льготнае крэдытаванне. «Цяпер мы ажыццяўляем толькі стандартнае крэдытаванне камерцыйных банкаў для падтрымання функцыянавання плацежнай сістэмы», — сказаў ён.
Мінфін, прадоўжыў Лузгін, таксама «праводзіць мерапрыемствы па скарачэнні сваіх дзеянняў на грашовым і фінансавым рынку, каб адпаведна заціснуць грашовую масу». «Усё гэта падрыхтоўчыя меры для ажыццяўлення непасрэднага выхаду на адзіны курс», — сказаў намеснік кіраўніка Нацбанка.
