06.09.2011 / 21:30

У Сянне адкрылі помнік у гонар самай буйной танкавай бітвы Другой сусветнай (не Курская) 16

У раённым цэнтры Сянно Віцебскай вобласці 6 верасня адбылося ўрачыстае адкрыццё помніка ў гонар самай буйной танкавай бітвы Другой сусветнай вайны.

Манумент уяўляе сабой савецкі танк ІС-3, устаноўлены на пастаменце з надпісам: «Танк ІС-3 устаноўлены ў гонар подзвігу савецкіх танкістаў у гады Вялікай Айчыннай вайны і ў памяць аб воінах 5-га і 7-га механізаваных карпусоў 20-й арміі Заходняга фронту, якія ўзялі ўдзел у танкавай бітве пад Сянном 6–10 ліпеня 1941 года».

Баявую машыну райцэнтру перадало Міністэрства абароны Беларусі. У рытуале перадачы танка мясцовым уладам узялі ўдзел міністр абароны Беларусі Юрый Жадобін, старшыня Віцебскага абласнога савета дэпутатаў Аляксандр Ацясаў, старшыня Сенненскага райвыканкама Віктар Цапота, ветэраны вайны, прадстаўнікі працоўных калектываў горада. Да помніка-танка былі ўскладзены вянкі і кветкі.

Звяртаючыся да ўдзельнікаў мітынгу, Юрый Жадобін сказаў:

«Сёння, на жаль, мала хто ведае аб буйной танкавай бітве Другой сусветнай вайны, якая адбылася тут 70 гадоў таму.
6 ліпеня 1941 года ў жорсткім крывавым баі сышліся не на жыццё, а на смерць больш чым 2 тысячы баявых машын Чырвонай Арміі і нямецкага вермахта. Гэта было больш, чым у пазней у славутай Прохараўскай бітве на Курскай дузе».

Як лічыць кіраўнік Мінабароны, «гэтыя гераічныя і адначасова трагічныя старонкі гісторыі Чырвонай Арміі, на жаль, незаслужана забыты летапісцамі Вялікай Айчыннай вайны». «Але менавіта на беларускай зямлі ў пачатку вайны былі закладзены асновы перамогі, значны ўнёсак у якую зрабілі і воіны, якія біліся пад вашым горадам. На працягу чатырох сутак, ведучы наступальныя і абарончыя баі, яны сарвалі планы прасоўвання праціўніка на лінію абароны, якая фарміравалася па Заходняй Дзвіне і Дняпру. Гэта вымушаны быў прызнаць і сам Гейнц Гудэрыян, які ў сваіх мемуарах напісаў: «Нас моцна білі пад Сянном».

Міністр абароны таксама звярнуў увагу на сімвалічнасць даты адкрыцця помніка — 66 гадоў таму, 7 верасня 1945 года, танк ІС-3, які не паспеў узяць удзел у Вялікай Айчыннай вайне, але лічыўся гордасцю савецкіх танкабудаўнікоў, быў упершыню паказы сусветнай грамадскасці на парадзе саюзных войскаў у Берліне. Адкрыццё помніка адбылося напярэдадні святкавання Дня танкіста, які штогод адзначаецца ў другую нядзелю верасня.

* * *

Некаторыя гісторыкі называюць танкавую бітву пад Сянном не толькі самай буйной у ходзе Вялікай Айчыннай і Другой сусветнай войнаў, але і ўсіх войнаў ХХ стагоддзя. У шасцітомнай гісторыі Вялікай Айчыннай вайны Савецкага Саюза 1941–1945 гадоў паведамляецца, што 6 ліпеня 1941 года войскі 20-й арміі, якой камандаваў генерал-лейтэнант Павел Курачкін, нанеслі контрудар з раёна Оршы па войсках 3-й танкавай групы немцаў. У контрудары ўдзельнічалі 5-ты і 7-мы танкавыя карпусы, якія мелі каля тысячы танкаў. Прыкладна столькі ж машын мела і 3-я танкавая група праціўніка. Савецкія механізаваныя корпусы нанеслі ворагу вялікія страты і адкінулі яго на 30–40 км у бок Лепеля. Пры гэтым, як паведамляе Вялікая савецкая энцыклапедыя, у бітве пад Прохараўкай, якая афіцыйна лічыцца адной з найбуйнейшых у ваеннай гісторыі бітвай з прымяненнем бранятанкавых сіл, удзельнічала каля 1500 танкаў: прыкладна 800 з савецкага боку і 700 — з нямецкага.

0
Гэта ў тутэйшых традыцыях / Адказаць
06.09.2011 / 22:40
І тут паставілі мадэль танка, якая ніякага дачынення да бітвы не мела.
0
andrejka / Адказаць
06.09.2011 / 23:03
Добра,што ўспомнілі пра такую падзею. to 1 ...Да і з фантазіяй у канструктараў было цяжкава-та ( пра назву)... а так ўсё ў лепшых радзянскіх традыцыях. І вось яшчэ што, калі табе пашэнціла(ціху хутчэй непашэнціла) загінуць за радзіму ў 1941-45, то чэсьць табе і хвала, а калі крыху раней і не пад чырвонымі сьцягамі,то нават крыжыка табе ,часам, не паставяць не кажучы пра 46 тонную гаргару...
0
неисторик / Адказаць
06.09.2011 / 23:08
почему же эта армада дала возможность бежать всей армии аж до москвы или мы присутствуем при рождении новых мифов о том как белорусы грудью заслонили имперскую россию и позволили переломать хребет военной машине вермахта
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру