Гомельскія бізнесмены, члены грамадскага аб’яднання садзейнічання развіццю прыватнага прадпрымальніцтва «Адзінства», пачалі фарміраваць чорны спіс наёмных работнікаў. Пра гэта БелаПАН паведаміла дырэктар «Адзінства» Іна Кустава.
Паводле яе слоў, фарміраванне спісу заклікана
засцерагчы прадпрымальнікаў ад несумленных наёмных работнікаў.Прапанова аб чорным спісе паступіла ад прадпрымальніка Навума Каца, наёмны работнік якога прынёс «яму і прадпрыемству пэўныя непрыемнасці».
«Кожны з нас сутыкаўся з нядобрасумленнасцю і самавольствам супрацоўнікаў, якія здольныя нанесці істотны ўрон кампаніі. Папрацаваўшы некаторы час, пайсці з кліенцкай базай, або, займаючыся махлярствам, паменшыць прыбытак кампаніі, або проста выкарыстоўваць неэфектыўна свой працоўны час. Уласнымі сіламі праверыць кандыдатуру на адкрытую вакансію складана — сваёй службы бяспекі мы не маем. Таму каб хоць неяк засцерагчы ад небяспекі будучыню сваіх кампаній, неабходна мець чорны спіс работнікаў, у які мы будзем зазіраць, прымаючы рашэнне аб прыёме на працу новага супрацоўніка» — так растлумачыў бізнесмен сваю прапанову.
Паводле слоў Куставай, калегі падтрымалі прапанову і ўжо актыўна ўносяць прозвішчы нядобрасумленных работнікаў, а таксама назвы арганізацый, якія не выконваюць дагаворныя абавязацельствы.
«Разам з тым мы фарміруем і „белы спіс“, у які ўключаем добрых работнікаў і прадпрыемствы. У адкрытым доступе чорнага спісу не будзе, у тым ліку
