Кіраўнік НХЛ выказаў спачуванні

Камісіянер (кіраўнік) Нацыянальнай хакейнай лігі Гары Бэтмен выказаў спачуванні ў сувязі з гібеллю яраслаўскага «Лакаматыва».

«Хоць гэта адбылося за тысячы міль ад нашых арэн, гэта трагедыя прывяла да катастрафічных страт для сусветнага хакея, уключаючы сям’ю НХЛ, якая страціла гэтулькі бацькоў, сыноў, таварышаў па камандзе і сяброў, якія ў свой час вызначыліся ў нашай лізе. Нашы самыя глыбокія спачуванні сем’ям і блізкім усіх загінулых», — прыводзіць словы Бэтмена сайт НХЛ.

Беларускі абаронца Руслан Салей, які знаходзіўся на борце пацярпелага катастрофу самалёта Як-42, гуляў у клубах НХЛ «Анахайм», «Фларыда», «Каларада» і «Дэтройт». Правёў 912 гульняў рэгулярнага сезона НХЛ, у якіх набраў 204 (45+159) ачкі.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ