На «Мінск-Арэне» пройдзе вечарына памяці яраслаўскага «Лакаматыва» 12
Удзел будзе браць Лукашэнка.
На «Мінск-Арэне» 8 верасня пройдзе вечарына памяці загінулага ў авіякатастрофе яраслаўскага «Лакаматыва». Мерапрыемства пачнецца ў 19.00 — замест адмененага матчу чэмпіянату КХЛ «Дынама» (Мінск) — «Лакаматыў».
Чакаецца, што жалобная цырымонія будзе працягвацца каля 50 хвілін, у ёй будзе браць удзел Аляксандр Лукашэнка. На 15-тысячную арэну ўваход будзе вольны, аднак прыярытэт на трыбунах маюць балельшчыкі, якія купілі білет на гульню. Усе сродкі, выручаныя ад продажу білетаў, будуць пералічаныя «Лакаматыву».
Каля «Мінск-Арэны» прыспушчаныя сцягі, людзі нясуць кветкі і свечкі. Старт чэмпіянату Кантынентальнай хакейнай лігі адкладзены да 12 верасня. Вырашаецца пытанне аб выступленні «Лакаматыва» ў чэмпіянаце. Хутчэй за ўсё, каманда будзе ўкамплектаваная хакеістамі іншых клубаў, уключаючы тых, хто раней выступаў у Яраслаўлі.
