08.09.2011 / 15:51

Някляеў выкліканы ў суд для «ўстанаўлення дадатковых абмежаванняў» 6

Былы кандыдат у прэзідэнты Беларусі Уладзімір Някляеў выкліканы на 10.00 9 верасня ў суд Ленінскага раёна Мінска для «ўстанаўлення дадатковых абмежаванняў».

«Яны і так мяне абмежавалі ва ўсім, у чым маглі, але гэтага, відаць, мала, — заявіў палітык. — Не ведаю, чым і як яны збіраюцца абмежаваць мяне дадаткова: мабыць, паспрабуюць павязаць мяне па руках і па нагах, каб я нідзе ні з кім не мог сустракацца. Думаю, заўтрашняе судовае пасяджэнне пройдзе ў такім ключы».

Някляеў паведаміў, што ў яго ўжо ёсць адно папярэджанне пракуратуры за парушэнне рэжыму адбыцця пакарання — паездку за мяжу. «Але, па-першае, гэта папярэджанне было вынесена яшчэ да таго, як прыгавор набыў моц, і я не лічу яго законным. Па-другое, я папулярна растлумачыў у пракуратуры, што акрамя абавязкаў па адбыванні пакарання ў мяне ёсць яшчэ і абавязкі перад людзьмі — перад тымі, хто працаваў у маёй камандзе, хто аддаў за мяне свой голас. Я не магу здрадзіць гэтым людзям. Я ўпэўнены, што я, калі сустракаюся з імі, раблю правільна. Вядома, у пракуратуры мы не знайшлі паразумення па гэтым пытанні», — сказаў Някляеў.

Экс-кандыдат у прэзідэнты не ведае, пра якія менавіта абмежаванні пойдзе гаворка ў судзе,
але, напрыклад, на хатні арышт ён пагаджацца не мае намеру. «На тое, каб у маім доме днём і ноччу гаспадарылі людзі са зброяй, каб пад вартай знаходзіўся не толькі я, але і мая жонка, я ніколі больш не пагаджуся. Хай лепш адправяць мяне ў турму», — заяўляе палітык.

20 мая суд Фрунзенскага раёна Мінска прызнаў Уладзіміра Някляева вінаватым на падставе ч. 1 арт. 342 Крымінальнага кодэкса (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх) і прыгаварыў палітыка да двух гадоў пазбаўлення волі з адтэрміноўкай прыгавору на два гады. Някляеў павінен рэгулярна адзначацца ў міліцыі, вяртацца дамоў не пазней за 22.00, інфармаваць міліцыю пра свае паездкі.

0
Прохожий / Адказаць
08.09.2011 / 20:11
Может, ему браслет собираются присобачить? В Беларуси ярким людям стало невозможно жить.
0
Якуб Лапатка / Адказаць
08.09.2011 / 20:52
Сапраўды, засталося толькі аброць надзець ды зацугляць, как нікуды і не хадзіў і нічога не гаварыў. А калі казаць сур'ёзна, дык тут праглядаецца намер зьмяніць пакараньне: зачыніць Някляева . Гэта зразумела. Калі сядзельца пачынаюць прэсаваць за цыгарэту, за не так зашпілены гузік -- гэта значыць, што УДО яму не бачыць. Яшчэ пару парушэньняў і Някляеў пойдзе таптаць зону. Яму знойдуць: не з той нагі ўстаў, ня так паглядзеў на партрэт хвельдмаршала.
0
Belarusin / Адказаць
08.09.2011 / 20:56
Владимир, держитесь и будьте осторожны: лучше условно - на свободе, чем в тюрьме безусловно. Вы нужны здесь. Держитесь и будьте здоровы!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру