08.09.2011 / 16:43

Руслан Салей будзе пахаваны ў Мінску на Усходніх могілках 2

Пахаванне пройдзе ў суботу ці нядзелю.

Беларускі хакеіст яраслаўскага «Лакаматыва» Руслан Салей будзе пахаваны на Усходніх (Маскоўскіх) могілках Мінска, паведаміў РІА «Навіны» галоўны трэнер сталічнай «Юнацтва» Міхаіл Захараў, чыім выхаванцам з’яўляўся Салей.

«Руслан будзе пахаваны на Маскоўскіх могілках Мінска ў суботу ці ў нядзелю», — сказаў Захараў.

Захараў адзначыў, што Салей быў яго сябрам, і ён гатовы асабіста аказаць любую пасільную дапамогу яго сям’і, а таксама сем’ям двух іншых загінулых ураджэнцаў Беларусі — форварда Сяргея Астапчука і трэнера Мікалая Крываносава.

Салей загінуў у авіякатастрофе пад Яраслаўлем.

Самалёт Як-42, на борце якога знаходзіліся гульцы «Лакаматыва», разбіўся ў сераду. На борце былі 45 чалавек — 37 пасажыраў і восем членаў экіпажа. Выжылі двое — хакеіст Аляксандр Галімаў і бортправаднік Аляксандр Сізаў, абодва знаходзяцца ў крайне цяжкім стане. «Лакаматыў» ляцеў у Мінск на матч з «Дынама».

0
Лявон / Адказаць
08.09.2011 / 18:16
Во! У суботу\нядзелю будуць хаваць Салея, а Мінск гэтыя 2 дні будзе весяліцца на дне горада...... Адмяніце пір у час чумы!!!!
0
Tawwwi / Адказаць
08.09.2011 / 18:19
Так на Маскоўскіх ці Усходніх? "Руслан Салей будзе пахаваны ў Мінску на Усходніх могілках" vs "«Руслан будзе пахаваны на Маскоўскіх могілках Мінска ў суботу ці ў нядзелю», — сказаў Захараў." Рэд. Гэта дзве назвы адных і тых жа могілак.
Каб пакінуць каментар, калі ласка, актывуйце JavaScript у наладах свайго браўзеру