09.09.2011 / 19:13

Беларускія навукоўцы распрацоўваюць «вакцыну бясстрашнасці» для спартсменаў і вайскоўцаў 15

У аснове методыкі — увядзенне на слізістую абалонку носа эндатаксінаў.

Пра гэта паведаміў намеснік дырэктара па навуковай рабоце Інстытута фізіялогіі Акадэміі навук прафесар Уладзімір Кульчыцкі.

У аснове методыкі — увядзенне на слізістую абалонку носа эндатаксінаў — фрагментаў сценкі кішачнай палачкі, якая ўтрымліваецца ў стрававальным тракце кожнага чалавека і важная для актывацыі імуннай сістэмы. Падчас эксперыментаў на жывёле фізіёлагі заўважылі, што нават невялікія колькасці эндатаксінаў пры траплянні ў носа выклікаюць змяненне паводзін. «Да прыкладу, пацукі і мышы пераставалі хавацца ў норах і адважна перамяшчаліся па адкрытай прасторы, што не характэрна для іх у звычайнай сітуацыі», — распавёў Уладзімір Кульчыцкі.

У будучыні

вынікі гэтых даследаванняў могуць стаць асновай для распрацоўкі своеасаблівай «вакцыны бясстрашнасці» для спартоўцаў, а таксама вайскоўцаў.
Такая вакцына можа стаць папулярнай і сярод студэнтаў, якія здаюць іспыты, упэўнены навукоўцы.
«Невялікая аплікацыя на слізістую абалонку носа перад спартовымі спаборніцтвамі або іншымі хвалюючымі падзеямі дапаможа здабыць упэўненасць у сваіх сілах і настроіцца на перамогу
, — адзначыў суразмоўца. — Неабходна толькі дазаванае ўвядзенне апрабаваных і бяспечных субстанцый. Пры правільным падыходзе яны абсалютна бяспечныя для здароўя і не павінны стаць у шэраг допінгавых сродкаў».

Навукоўцы працягваюць даследаванні ў гэтай галіне. Не выключана, што праект будзе пашыраны, і эксперты шляхам увядзення асобных субстанцый праз слізістую абалонку носа прапануюць новыя шляхі барацьбы з псіхічнымі расстройствамі і захворваннямі.

У Інстытуце фізіялогіі НАН Беларусі распрацоўваюць сучасныя біяпрэпараты, тэхналогіі падаўлення росту пухлінавых клетак, методыкі прымянення фізіятэрапеўтычных фактараў, апараты для павелічэння колькасці ствалавых клетак. У навуковай установе праводзяць таксама даследаванні ў галіне электроннай і светлавой мікраскапіі, эксперыментальнай і клінічнай нейрафізіялогіі.

0
бестрашный прапорщик Задов / Адказаць
09.09.2011 / 19:22
смотрите фильм "Лестница Якова"
0
Бесстрашныя беларускія гарылы / Адказаць
09.09.2011 / 19:51
Навошта на крысах? Адразу на лушчыках!
0
крыху падумаўшы / Адказаць
09.09.2011 / 20:15
Калі вайсковец занадта бясстрашна перасоўваецца па адкрытай прасторы, яго хутчэй заб'юць. Каб выканаць заданне і застацца жывым, значна карысней быць асцярожным. Але ж хто пра гэтых вайскоўцаў калі-небудзь клапаціўся. Вынік 2-й сусветнай вайны: 1 нямецкі вайсковец забіў каля 10 савецкіх, 2 савецкія вайскоўцы забілі 1 нямецкага.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру