12.09.2011 / 12:11

Амерыканскі фотамастак хоча запоўніць голымі целамі Мёртвае мора 6

17 верасня тысячы ізраільцян раздзенуцца перад аб'ектывам і ўвойдуць у Мёртвае мора.

Амерыканскі фотамастак Спэнсэр Тунік абвясціў дату сваёй грандыёзнай фотасесіі. 17 верасня тысячы ізраільцян (невядомая нават прыблізная колькасць) раздзенуцца перад яго аб’ектывам і ўвойдуць у Мёртвае мора.

Да ўдзелу ў акцыі запрашаюцца ўсе ахвотныя старэйшыя за 18 гадоў, па-за залежнасцю ад полу, узросту, этнічнай прыналежнасці, колеру скуры і веравызнання. Фотамастак лічыць, што дастатковая колькасць ахвотных ужо ёсць.

Раней Тунік прызнаваўся, што ўжо 20 гадоў марыць правесці здымку ў Ізраілі. Спачатку ён планаваў сфатграфаваць голую масоўку ў Яфа ці на ўзбярэжжы Тэль-Авіва, але потым спыніўся на Мёртвым моры.

Міністр турызму Ізраіля Стас Місежнікаў выступіў у падтрымку праекту Туніка, мяркуючы, што такая акцыя паслужыць прапагандзе Мёртвага мора.
Тым не менш урад вырашыў адмовіцца ад фінансавання «голых малюнкаў». Дапамагчы фотамастаку грашыма падахвоцілася ініцыятыўная група, якая вяла збор ахвяраванняў. Дапамога Мёртваму мору патрэбная як знікаючай з’яве прыроды і як аднаму з 28 фіналістаў конкурсу, у выніку якога будуць абраныя 7 прыродных цудаў свету.

Тунік займаецца здымкай аголеных людзей з 1992 года. Цяпер ён праводзіць да шасці здымак за год. Фотамастак загадзя абвяшчае аб месцы наступнай здымкі і прапануе ўсім ахвотным паўдзельнічаць.

У чэрвені 2003 года ў Барселоне Тунік сабраў 7000 аголеных натуршчыкаў, а 6 мая 2007 года пабіў усе рэкорды, сфатаграфаваўшы 18 000 раздзетых чалавек на плошчы ў Мехіка.

0
пурыст / Адказаць
12.09.2011 / 12:29
раздзенуцца?
0
голенький джигурда / Адказаць
12.09.2011 / 12:50
спорт, а не искусство
0
Alex / Адказаць
14.09.2011 / 01:20
Узаконенный эксгибиционизм. Моральные уроды.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру