«Калі прыгледзецца больш уважліва, то частку з дзевяці кандыдатаў, якія ўдзельнічалі ў прэзідэнцкіх выбарах, фінансаваў і падтрымліваў Крэмль», — заявіла Грыбаўскайце у інтэрв’ю Літоўскаму радыё.
Частка прадстаўнікоў беларускай апазіцыі амаль не кажуць пра незалежнасць краіны, а проста «імкнуцца атрымаць больш грошай»,зазначае кіраўніца літоўскай дзяржавы.
«Калі гутарыш ці чуеш, як размаўляюць некаторыя прадстаўнікі апазіцыі,
мы часцей за ўсё не чуем, што іх прыярытэтам і мэтай з’яўляецца незалежная Беларусь.Гэтага амаль не чуем. Часцей за ўсё чуем, што трэба больш грошай і што Расія, у прынцыпе, — сябар. Гэта, несумненна, выклікае ў нас пэўную занепакоенасць, бо нацыянальным інтарэсам Літвы адпавядае незалежны сусед, незалежная краіна», — цытуе Грыбаўскайце «Інтэрфакс».
Грыбаўскайце адзначылася дзвюма сустрэчамі з Аляксандрам Лукашэнкам, у тым ліку адной у часе выбарчай кампаніі. Апошнюю Лукашэнка актыўна выкарыстаў для ўласнай прамоцыі. Яна крытыкуе кандыдатаў ад апазіцыі за прагматычнае стаўленне да Расіі, аднак замоўчвае, што гэта Лукашэнка ўцягнуў Беларусь у вайсковы, палітычны і мытны саюз з Расіяй, які дайшоў да формы «саюзнай дзяржавы». Таксама менавіта за Лукашэнкі Беларусь перажыла беспрэцэдэнтную русіфікацыю.
0
0
0
0
0
0
