Удава з востраву Сэн-П’ер

К-19

Шчырае прызнаньне

Удава з востраву Сэн-П’ер (La Veuve de Saint-Pierre)

Канада – Францыя, каляровы, 2000, 112 хв.

Фота kino.br.byРэжысэр: Патрыс Леконт

Ролі выконваюць: Жульет Бінош, Даніэль Атэй, Эмір Кустурыца, Мішэль Дукасю, Філіп Маньян, Крыстыян Шарметан

Жанр: Драма

Адзнака: 7 (з 10)

У 1849 годзе на маленькай высьпе Сэн-П’ер прысудзілі да пакараньня сьмерцю п’янага дэбашыра. Але гільятыны на востраве няма. Пакуль усе чакаюць “чорную ўдаву”, злачынцу перавыхоўваюць капітан і ягоная жонка.

Неўзабаве ўсе палюбілі недарэку, які раскаяўся. Але карабель з гільятынай набліжаецца. Хто апусьціць лязо на шыю герою – і ці здолеюць яго выратаваць капітан і ягоная жонка?

Дараваньне, любоў і подласьць у пранізьлівай драме Патрыса Леконта. Моцны дуэт Жульет Бінош і Даніэля Атэя. Зьвярніце ўвагу – у ролі злачынцы Эмір Кустурыца.

Фільм заснаваны на сапраўднай гісторыі.

Фота kino.br.byК-19

ЗША – Нямеччына – Канада – Вялікабрытанія, 2002, каляровы, 138 хв.

Рэжысэр: Кэтрын Бігелоў

Ролі выконваюць: Гарысан Форд, Пітэр Сарсгаард, Лаям Нісан, Сэм Спруэл, Пітэр Стэбінгз

Жанр: Трымценьнік

Адзнака: 6 (з 10)

У 1961 годзе, падчас халоднай вайны, савецкая атамная субмарына “К-19” пацярпела аварыю ля берагоў Злучаных Штатаў. Ад каманды спатрэбяцца мужнасьць і неверагодныя высілкі, каб прадухіліць страшную катастрофу.

Канфлікт характараў, напружанае дзеяньне – і прадстаўнічы Гарысан Форд. Гераічны галівудзкі сацрэалізм.

Фота kino.br.byШчырае прызнаньне (Confidences trop intimes)

Францыя, 2004, каляровы, 104 хв.

Рэжысэр: Патрыс Леконт

Ролі выконваюць: Сандрын Банэр, Фабрыс Лучыні, Мішэль Дукасю, Эн Брашэ

Жанр: Псыхааналітычная драма

Адзнака: 5,5 (з 10)

Ганна, якая ішла да псыхааналітыка, памылілася дзьвярыма і трапіла да фінансавага кансультанта. Цяпер мытар ведае ўсе яе інтымныя сакрэты…

Далікатная і ціхая гісторыя пра чалавечую самоту і нечаканае каханьне.

Усе фільмы

Хочаш падзяліцца важнай інфармацыяй ананімна і канфідэнцыйна?