21.09.2011 / 22:05

Раманчук выходзіць з АГП 18

Выхад з партыі ён растлумачыў неабходнасцю «больш часу аддаваць экспертнай працы».

Яраслаў Раманчук напісаў заяву аб выхадзе з Аб’яднанай грамадзянскай партыі.

Як паведамілі ў прэс службе АГП, свой

выхад з партыі ён растлумачыў неабходнасцю больш часу аддаваць экспертнай працы. Рашэнне па заяве Раманчука яшчэ не прынята
, падкрэслілі ў партыі.

Ад красавіка 2000 года Яраслаў Раманчук з’яўляецца намеснікам старшыні АГП. У яго абавязкі ўваходзяць міжнародныя адносіны, эканамічныя праграмы, стратэгія развіцця. Аднак, як заявілі ў прэс-службе партыі,

пасля прэзідэнцкіх выбараў Раманчук свае абавязкі не выконвае.

Раманчук быў кандыдатам у прэзідэнты ад АГП на прэзідэнцкіх выбарах 2010 года. 20 снежня, на наступны дзень пасля жорсткага разгону мітынгу на плошчы Незалежнасці і арышту апазіцыйных дзеячаў, Раманчук склікаў прэс-канферэнцыю, на якой пракаментаваў тое, што адбылося. Ён заявіў, што дэманстрацыя планавалася на Кастрычніцкай плошчы як выключна мірнае выказванне думкі грамадзян.

«На жаль, падчас мітынгу Мікалай Статкевіч, Андрэй Саннікаў і Віталь Рымашэўскі заклікалі і павялі людзей на плошчу Незалежнасці. Там імі ж былі справакаваныя беспарадкі і ажыццёўлена спроба захопу будынка Дома ўрада. Пад пагрозай апынуліся жыцця тысячы чалавек», — сказаў Раманчук.

Ён публічна асудзіў заклікі да дзеянняў, якія парушаюць мірны характар ​​правядзення масавых акцый. «Падзеі ночы 19 снежня паставілі пад пагрозу жыцця людзей. Андрэю Саннікаву, падаграванаму яго жонкай Ірынай Халіп, вельмі хацелася сарваць крохкі дыялог, які зараджаўся паміж Беларуссю і міжнароднай супольнасцю», — сказаў палітык.

Частка аднапартыйцаў Раманчука публічна асудзілі яго заяву.

Лідар партыі Анатоль Лябедзька, каментуючы паводзіны Раманчука 11 красавіка, адразу пасля свайго вызвалення з СІЗА КДБ, адзначыў: «Яраслаў сказаў, што калі ён бы гэта не зрабіў, то была б фізічная расправа нада мной і іншымі людзьмі. Не ведаю, як бы я у гэтай сітуацыі дзейнічаў».

17 красавіка, размаўляючы з журналістамі падчас суботніка, Аляксандр Лукашэнка пацвердзіў, што «выпусціў з турмы Лябедзька па просьбе Раманчука».

На прэс-канферэнцыі ў красавіку Лябедзька таксама заявіў, што «Яраслаў

Раманчук не створаны для такіх кампаній, якія праводзяцца ў Беларусі
». «Я гэта цяпер разумею, і гэта недзе і мая віна, што я да канца не дадумаў, што можа быць вось такі сцэнар», — дадаў Лябедзька. Ён паведаміў аб намеры «перафарматаваць каманду». «Я павінен разумець, хто ёсць хто ў гэтай камандзе», — сказаў лідэр АГП.

0
Антон / Адказаць
21.09.2011 / 22:35
Пацукі пабеглі з арганізацый. Можа гэта і да лепшага.
0
хведар / Адказаць
21.09.2011 / 22:42
ОГП трэба было пазбавіцца ад Раманчука раней, але як кажуць лепш пазней чым ніколі. Моцна ён псаваў і без таго не найлепшы імідж партыі. Засталося яшчэ редактарам некаторых сайтаў параіць Раманчуку не рабіць палітычных і эканамічных аглядаў каб не псаваць імідж гэтых сайтаў.
0
Петр Иванович / Адказаць
21.09.2011 / 23:08
Андрэю Саннікаву, падаграванаму яго жонкай Ірынай Халіп, вельмі хацелася сарваць крохкі дыялог, які зараджаўся паміж Беларуссю і міжнароднай супольнасцю», — сказаў палітык. Посмотрим, не будет ли Романчук налаживать диалог. Хитрый он сильно, этот Романчук. Но Лукашенко хитрее.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру