Агульны сход членаў Мінскай гарадской калегіі адвакатаў (МГКА), запланаваны на 24 верасня, не адбыўся.
Як паведаміў старшыня МГКА Аляксандр Пыльчанка, гэта адбылося
Новая дата мерапрыемства пакуль не вызначана,адзначыў Пыльчанка.
Гаварыць пра тое, якія тэмы выносяцца на абмеркаванне агульнага сходу, ён адмовіўся, падкрэсліўшы, што «гэта ўнутраныя пытанні», і ўся неабходная інфармацыя размешчана на сайце калегіі.
Паведамленне на сайце калегіі апавяшчае: «Прэзідыум Мінскай гарадской калегіі адвакатаў прыняў рашэнне аб скліканні Агульнага сходу членаў Мінскай гарадской калегіі адвакатаў, які адбудзецца 24 верасня 2011 года. Каб пазбегнуць любога роду фактаў распаўсюджвання недакладнай інфармацыі, мы звяртаем увагу ўсіх сродкаў масавай інфармацыі, што афіцыйнай крыніцай інфармацыі аб дзейнасці МГКА і яе членаў з’яўляецца
Тым часам, паводле інфармацыі праваабарончага сайта spring96.org,
на агульным сходзе членаў калегіі будзе абмяркоўвацца пастанова Міністэрства юстыцыі аб датэрміновым адкліканні старшыні МГКА Аляксандра Пыльчанкі.Плануецца таксама абмеркаваць заяву Пыльчанкі аб спыненні сваіх паўнамоцтваў на пасадзе старшыні МГКА, якая нібыта была напісаная пасля вынясення пастановы Мінюста.
Праваабаронцы нагадваюць, што гэта ўжо не першая спроба націску чыноўнікаў на кіраўніка адвакацкай калегіі: у лютым на падставе загада міністра юстыцыі Галаванава Пыльчанка быў выключаны са складу кваліфікацыйнай камісіі па пытаннях адвакацкай дзейнасці. Менавіта гэта камісія прымала рашэнне аб пазбаўленні ліцэнзій на права займацца адвакацкай дзейнасцю адвакатаў, якія абаранялі фігурантаў крымінальнай справы аб масавых беспарадках 19 снежня 2010 года.
Са складу кваліфікацыйнай камісіі Пыльчанка быў выведзены ў той жа дзень, калі ў інтэрв’ю БелаПАН ён заявіў: кіраўніцтва МГКА лічыць, што ў Беларусі склалася крытычная сітуацыя, якая рэальна пагражае незалежнасці адвакатуры.
