Буйныя ўнівермагі Мінска дадуць 1 кастрычніка зніжкі для пенсіянераў 5

Буйныя ўнівермагі Мінска 1 кастрычніка з нагоды Дня пажылых людзей прадаставяць зніжкі для пенсіянераў, паведамілі ў галоўным упраўленні спажывецкага рынку Мінгарвыканкама.

У ЦУМе 1 кастрычніка даецца зніжка ў памеры 15% ад рознічнай цаны тавару на жаночы і мужчынскі абутак, адзенне, бялізну, трыкатаж і панчошна-шкарпэткавыя вырабы. Пры набыцці тавараў ва ўнівермагу пакупнікам пры неабходнасці акажуць бясплатныя дадатковыя паслугі (падгонка і дробная пераробка швейных вырабаў, авярлочваннне дывановых вырабаў).

Універмаг «Беларусь» робіць зніжку 10% на набыццё трыкатажных вырабаў, адзення, абутку, а таксама галаўных убораў і панчошна-шкарпэткавай прадукцыі. Акрамя таго, універмаг арганізуе бясплатную дастаўку буйнагабарытных тавараў з пад’ёмам на паверх.

У ГУМе можна будзе бясплатна авярлочыць дывановую дарожку, раскроеную і набытую ва універмагу. Таксама пенсіянерам прадаставяць дысконтную карту ГУМа ў падарунак.

Скарыстацца скідкай можна будзе пры прад’яўленні пенсійнага пасведчання.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ