Пракуратура не распачала справы па факце збіцця зняволеных івацэвіцкай калоніі 2

Пракуратура Брэсцкай вобласці не знайшла падстаў для ўзбуджэння крымінальнай справы ў дачыненні да службовых асоб, вінаватых у збіцці зняволеных івацэвіцкай калоніі № 5.

Такі адказ атрымала з пракуратуры інфармацыйна-асветніцкая ўстанова «Платформа».

З просьбай аб дапамозе ў ІАУ «Платформа» звярнулася маці асуджанага Раміза Мамедава, які знаходзіцца ў гэтай калоніі. «Дакладна вядома, што 27 ліпеня ў ПКТ (памяшканне камернага тыпу) супрацоўнікі калоніі жорстка збілі шасцёх зняволеных. Двое зняволеных былі дастаўлены ў гарадскую лякарню, адзін з іх — на насілках. Астатнім пацярпелым дапамогу аказвалі ў калоніі», — распавёў дырэктар «Платформы» Андрэй Бандарэнка.

Паводле яго слоў, «трэба было чакаць», што пракуратура не знойдзе падстаў для ўзбуджэння крымінальнай справы ў дачыненні да службовых асоб ВК-5. Аднак, паведаміў ён, пракуратура «знайшла нешта іншае, што да гэтага часу замоўчвалі супрацоўнікі пенітэнцыярнай сістэмы». Так, Бандарэнка адзначыў, што ў адказе «пацвердзіўся сам факт жорсткага збіцця асуджаных, і нават названыя прозвішчы — Мамедаў, Каплічы і Ярахновіч».

«Іх збілі за псаванне камернага абсталявання: за сарваныя камеры відэаназірання, якія кантралёры ўсталявалі прама над туалетам»

, — сказаў Бандарэнка.

Паводле яго інфармацыі, усе асуджаныя знаходзіліся ў розных камерах. Акрамя таго, у адказе пракуратуры сцвярджаецца, што Мамедаў быў збіты ў 7 гадзін 30 хвілін 26 ліпеня на КПП-2, а відэакамера была пашкоджаная ім у раёне 22 гадзін 25 ліпеня ў ПКТ № 2. «Узнікае цалкам слушнае пытанне:

дзе знаходзіўся Мамедаў ў прамежак часу паміж 22 гадзінамі 25 ліпеня і 7.30 раніцы 26 ліпеня? Чаму ён быў збіты ў якасці» выпраўлення «праз 10 гадзін? Як ён апынуўся на КПП-2, калі адбывае пакаранне ў ПКТ?

», — задаўся пытаннем Бандарэнка.

«Цалкам відавочна, што зверствы супрацоўнікаў ВК-5 замоўчваюцца пракуратурай. Праверка ўстанавіла, што прымяненне фізічнай сілы і спецсродкаў супрацоўнікамі ВК-5 прызнанае законным і абгрунтаваным, прытым, што дзеянні асуджаных не суправаджаліся прымяненнем гвалту да адміністрацыі калоніі і не былі накіраваныя на парушэнне недатыкальнасці кантралёраў і прычыненне ім цялесных пашкоджанняў, пагроз прымянення гвалту з іх боку не выказвалася «, — адзначыў Бандарэнка.

«Платформа» накіруе па дадзеных фактах новыя скаргі ў Генеральную пракуратуру, заявіў ён.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ