Суд Баранавіцкага раёна і горада Баранавічы 6 кастрычніка разгледзеў матэрыялы адміністрацыйнай справы актывіста гарадской арганізацыі Беларускай партыі левых «Справядлівы свет» Віктара Цяпіна і аштрафаваў яго на 25 базавых велічынь (875 тыс. рублёў).
Як паведаміў Цяпін, раніцай 23 і 27 верасня ён распаўсюджваў перад уваходам на Баранавіцкі завод аўтаматычных ліній, дзе працуе
Паводле слоў Цяпіна, 29 верасня да яго на працу прыйшоў старшы ўчастковы інспектар міліцыі і прапанаваў прайсці ў гарадскі аддзел унутраных спраў.
Там на Цяпіна былі складзены два пратаколы за парушэнне парадку арганізацыі масавага мерапрыемства.
«Сёння на судовым пасяджэнні я, спасылаючыся на артыкулы законаў аб масавых мерапрыемствах і рэспубліканскіх і мясцовых сходах, даказваў, што ў маіх дзеяннях няма падзеі і складу адміністрацыйнага правапарушэння, у якім мяне абвінавачваюць, — дапоўніў Цяпін. — Суддзя аб’явіла перапынак і потым зачытала рашэнне суда, з якога вынікае, што мне выпісаны штраф. Пры гэтым артыкул, па якім я прызнаны вінаватым, не быў названы. Мне сказалі, што я даведаюся аб гэтым заўтра, калі атрымаю на рукі рашэнне суда».
Цяпін мае намер абскардзіць яго ў Брэсцкім абласным судзе.
