27.01.2007 / 00:24

Мілінкевіч: Дыктатуру без адзінага лідэра ніхто яшчэ не перамагаў 26

Лідэр Аб’яднаных дэмакратычных сілаў “вельмі шкадуе” пра рашэньне Сойму БНФ.

Лідэр Аб’яднаных дэмакратычных сілаў заявіў у пятніцу, што ён “вельмі шкадуе” пра рашэньне Сойму Партыі БНФ адмовіцца ад супрацы.

"Заяву Сойму Партыі БНФ пра пераход да самастойнае працы я лічу памылковым крокам. Кіраўніцтва партыі заняло няправільную пазыцыю - і ў пераходзе да ратацыйнага прынцыпу кіраваньня дэмакратычнымі сіламі, і ў дыстанцыяваньні ад працы ў адзіным штабе, — заявіў А. Мілінкевіч. — Да таго ж цэнтральнае кіраўніцтва партыі адштурхоўвае рэгіянальныя арганізацыі. У рэгіёнах — я іх аб’ехаў у часе мясцовых выбараў — людзі ня толькі з Партыі БНФ, але і з Аб’яднанай грамадзянскай партыі, Партыі камуністаў казалі, што мусова захаваць еднасьць і каардынацыю дзеяньня. Сваёй заявай цэнтральнае кіраўніцтва іх адштурхоўвае. Ратацыйны прынцып кіраваньня апазыцыяй нерэальны. Калі б у нас была дэмакратыя, я ня меў бы нічога супраць такога прынцыпу. Але мы жывём ва ўмовах дыктатуры. А дыктатуру без адзінага лідэра яшчэ ніхто не перамагаў. Няважна, хто стаў бы лідэрам: Мілінкевіч, Вячорка, Лябедзька, Калякін або хтосьці іншы. Галоўнае, каб гэта быў адзін чалавек, адна фігура. Пераход да ратацыйнага прынцыпу кіраваньня Дэмакратычнымі сіламі зноў размые апазыцыю".

Сойм Партыі БНФ (В.Вячорка) 20 студзеня вынес падзяку Мілінкевічу за супрацу падчас прэзыдэнцкіх выбараў і прыняў рашэньне, што далей трэба працаваць самастойна.

Камэнтар Барыса Тумара -- чытайце тут.

0
ABC / Адказаць
27.01.2007 / 00:41
Ніхто як высьвятляе радыё "Свабода" ад супрацы не адмаўляецца, але ніхто як выглядае і дамаўляцца не зьбіраецца. Іншымі словамі: як заўсёды ў нас проста *нічога не адбываецца*. Менавіта гэта дрэнна, і мабыць пра гэта і варта было напісаць. А ўстроіўшы замест гэтага "сэнсацыйны" цыкль НН толькі палярызуе сытуацыю і працуе супраць аб'яднаньня. Каб у гэтым пераканацца, дастаткова пачытаць камэнтары. http://www.svaboda.org/articlesfeatures/politics/2007/1/5dd26706-9e6a-4ac8-95e1-bb7ac965ae4a.html
0
МК / Адказаць
27.01.2007 / 01:34
а хто такі АВС ? здаецца, нехта вельмі блізкі да ВВ.
0
ABC / Адказаць
27.01.2007 / 02:00
Сапраўдны бацька, страчаны яшчэ ў дзяцінстве на далёкіх выспах Карыбскага мора.
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру