27.01.2007 / 17:04

Паўночная Карэя забараніла замежную валюту 4

22 студзеня ўлады Паўночнай Карэі выдалі забаранілі выкарыстаньне даляраў, эўраў, енаў і любой іншай замежнай валюты ў крамах і гандлёвых угодах. Апроч валюты, у Паўночнай Карэі чакаецца дэфіцыт на ай-поды, спартовыя аўтамабілі, водныя скутэры, ювэлірныя вырабы, дызайнэрскую вопратку і каньяк — забарону на іх экспарт у КНДР увялі ЗША.

22 студзеня ўлады Паўночнай Карэі забаранілі выкарыстаньне даляраў, эўраў, енаў і любой іншай замежнай валюты ў крамах і гандлёвых угодах.

Найверагодней, гэтыя захады ўжытыя кіраўніцтвам КНДР з мэтай узяць пад свой кантроль сродкі ў замежнай валюце, якія ёсьць у грамадзянаў на руках. Мяркуецца, што на гэты крок паўночнакарэйскія ўлады пайшлі з-за фінансавых санкцый з боку ЗША.

Калі раней цэны ў сталіцы КНДР Пхеньяне нярэдка пазначаліся ў далярах, то цяпер карэйцам давядзецца прымусова мяняць валюту на купоны ў спэцыяльным пункце. Купоны даюць права набываць тыя ці іншыя тавары, — паведамляе інфармацыйная агенцыя «РИА-Новости» з спасылкай на газэту The Dong-a Ilbo.

У той жа час амэрыканскія ўлады забаранілі экспартаваць у Паўночную Карэю лічбавыя плэеры iPod, спартовыя аўтамабілі, водныя скутэры, ювэлірныя вырабы, дызайнэрскую вопратку і каньяк, які, паводле чутак, надта любіць лідэр КНДР Кім Чэн Ір.

Гэтыя захады былі ўжытыя ў якасьці пакараньня за леташнія выпрабаваньні ядравай зброі і згодна з забаронай ААН на продаж Паўночнай Карэі прадметаў раскошы.

Абвешчаная Вашынгтонам забарона, паводле словаў прадстаўніка міністэрства гандлю ЗША Рычарда Мілса, «дакладна вывераная» — дзеля таго, каб ейнай мэтай сталася толькі паўночнакарэйская эліта, якая купаецца ў раскошы ў той час, калі астатняе насельніцтва краіны жыве ў адчайнай галечы, — паведамляе Бі-Бі-Сі.

0
Тутэйшы / Адказаць
27.01.2007 / 19:21
> У той жа час амэрыканскія ўлады забаранілі экспартаваць у Паўночную Карэю лічбавыя плэеры iPod, > спартовыя аўтамабілі, водныя скутэры, ювэлірныя вырабы, дызайнэрскую вопратку і каньяк, які, > паводле чутак, надта любіць лідэр КНДР Кім Чэн Ір. 1. Ім там есьці няма чаго, а яны забараняюць iPod і спорткары. Сьмех ды й толькі. 2. Калі Кім Чэн Ір і любіць каньяк, дык ён ужо неяк знойдзе дзе яго набыць, можна не сумнявацца.
0
Віталь / Адказаць
27.01.2007 / 20:52
Да, слушна сказана пра забарону iPod`аў ))))
0
ABC / Адказаць
27.01.2007 / 22:59
@Тутэйшы А вы пашукайце фоткі паўночнакарэйскіх дыпляматаў, і гледзячы на іхныя твары, вы пераканаецеся, што яны не галадаюць.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру