Суд Маскоўскага раёна Мінска прызнаў законным узяцце пад варту Аляксандра Крутога, які прадстаўляе інтарэсы сваёй пацярпелай дачкі Інесы ў судзе па справе аб тэракце ў Мінскім метрапалітэне 11 красавіка, паведаміла Інеса Крутая.
Паводле яе слоў, рашэнне суда было вынесена на гэтым тыдні, але дакладную дату яна не ведае.
Рашэнне аб узяцці Крутога пад варту яго адвакат будзе аспрэчваць у Мінскім гарадскім судзе.
Паводле звестак Інесы Крутой, вынікі
Вечарам 20 верасня Аляксандр Круты быў затрыманы міліцыяй у Мінску паводле абвінавачання ў хуліганстве.22 верасня старшыня ў судзе па тэракце Аляксандр Федарцоў часткова зачытаў пастанову аб затрыманні Крутого. У ёй сказана, што Круты «17 жніўня, знаходзячыся ў кабінеце адной з медыцынскіх устаноў Мінска, наўмысна ўчыніў хуліганскія дзеянні з асаблівым цынізмам і знявагай да норм маралі». Гэта праявілася ў тым, што ён «выліў змесціва двух слоікаў з мачой на галоўнага ўрача». Паводле накіравання пракурора Круты быў адпраўлены ў Рэспубліканскі
У судзе Круты паводзіў сябе вельмі актыўна, выступаў з шэрагам хадайніцтваў, у тым ліку аб пераносе працэсу да адмены ў Беларусі смяротнай кары.
Сям’я Крутых хоча атрымаць прыстанак у Германіі. Заяву ў нямецкае пасольства ў Мінску Аляксандр Круты аднёс у верасні.
Інеса Крутая перадавала ў суд хадайніцтва аб прыпыненні працэсу датуль, пакуль бацька не будзе вызвалены і не зможа прадстаўляць яе інтарэсы ў судзе. 26 верасня суд адхіліў гэта хадайніцтва. Сама браць удзел у працэсе Крутая не можа па стане здароўя.
