15.10.2011 / 13:21

«Дырэктара пасадзім, а дольшчыкі заплацяць штраф» 3

Мінгарвыканкам фактычна шантажуе тых, хто ўсё ж спадзяецца грошы па льготным крэдыце.

Як паведамляла «Наша Ніва» раней, улады ў аднабаковым рэжыме спынілі льготнае крэдытаванне дамоў, якія здаюцца ў эксплуатацыю ў 2012 годзе і пазней. Аднак, як выявілася,

не могуць атрымаць грошы на будаўніцтва нават тыя дольшчыкі, дамы якіх здаюцца сёлета.
Насуперак існуючым дакументам, Мінгарвыканкам раптам вырашыў, што яны не паспеюць скончыць будоўлю, а таму не дае ні рубля.

Пра гэта «Нашай Ніве» расказалі дольшчыкі, якія будуюць кватэры на Лагойскім тракце ў Мінску.

Заказчыкам выступае дзяржаўная арганізацыя — «УКС адміністрацыі Савецкага раёна Мінска».
Іх дом знаходзіцца ў афіцыйна зацверджаным спісе дамоў, якія здаюцца ў эксплуатацыю да 31 снежня 2011 года. Занепакоеныя тым, што «Беларусбанк» не пералічыў чарговы плацёж, яны адправіліся на прыём да першага намесніка старшыні камітэта будаўніцтва і інвестыцый Мінгарвыканкама Мікалая Бутрыма, які растлумачыў дольшчыкам пазіцыю дзяржавы.

Па словах Бутрыма, грошы могуць быць выдзеленыя толькі ў тым выпадку, калі генеральны дырэктар кампаніі-забудоўшчыка напіша гарантыйны ліст, у якім паабяцае здаць дом да канца года. Калі ж, атрымаўшы грошы, будаўнікі не паспеюць да 31 снежня, Мінгарвыканкам ініцыюе крымінальную справу.

Гендырэктара забудоўшчыка будуць абвінавачваць ў «выманьванні крэдыту ці дадацый».
Згодна з ч.2 арт. 237 Крымінальнага кодэксу «прадаўстаўленне… службовай асобай юрыдычнай асобы… загадзя лжывых дакументаў і звестак аб абставінах, якія маюць істотнае значэнне для атрымання крэдыту … , здзейсненае з мэтай атрымання дзяржаўнага мэтавага крэдыту … караюцца абмежаваннем свабоды на тэрмін ад двух да пяці гадоў ці пазбаўленнем свабоды на той самы тэрмін».
Але пакараць Мінгарвыканкам гатовы і дольшчыкаў!
У іх дамовах з «Беларусбанкам» ёсць пункт наконт «неправамернага атрымання ці немэтавага выкарыстання крэдыту». Згодна з ім, банк мае права патрабаваць датэрміновае вяртанне крэдыту з выплатай працэнтаў у памеры падвоенай стаўкі рэфінансавання (зараз — 70%). Паводле словаў Бутрыма, такая магчымасць будзе выкарыстана.

Зараз дольшчыкі з дома на Лагойскім тракце вырашаюць, якую тактыку дзеянняў ім абіраць далей.

З такімі самымі праблемамі сутыкнуліся мінчукі з дзясятку іншых дамоў, якія павінны быць здадзеныя з эксплуатацыю да канца 2011 года. Без банкаўскіх сродкаў будоўля спынецца, і тады дом у любым выпадку не паспее дабудавацца.

Улады робяць усё магчымае, каб выплаціць па цяперашніх умовах ільготнага крэдытавання як мага меней грошай. А ў наступным годзе правілы гульні стануць іншымі. Па непацверджанай інфармацыі, якая абмяркоўваецца на інтэрнэт-форумах са спасылкай на супрацоўнікаў Мінгарвыканкама, «льготнае крэдытаванне-2012» будзе выглядаць наступным чынам:

шматдзетныя сем’і, інваліды і вайскоўцы атрымаюць права будавацца пад 20% ад стаўкі рэфінансавання (зараз — 7%). Астатнія, у тым ліку маладыя сем’і змогуць будавацца пад 31% ці нават па большай стаўцы.

Ягор Марціновіч

0
По существу / Адказаць
15.10.2011 / 14:10
Из проекта закона о КГБ «Органы государственной безопасности могут иметь жилищный фонд, который формируется в порядке, установленном законодательными актами Республики Беларусь, в том числе служебные жилые помещения, специальные жилые помещения и жилые помещения в общежитиях».
0
Дзьмiтры / Адказаць
15.10.2011 / 14:23
Панеслася м*да па купнах
0
Вася / Адказаць
17.10.2011 / 10:15
"У іх дамовах з «Беларусбанкам» ёсць пункт наконт «неправамернага атрымання ці немэтавага выкарыстання крэдыту». И каким образом Бутрым, подведет под этот пункт тот факт, что строительство по льготным кредитам осуществляется на основании указов президента (185,367,396 и т.п.) действия которых НИКТО НЕ ОТМЕНЯЛ. Кредитование остановлено на основании ПРОТОКОЛА заседания совмина, а какую юридическую силу имеет ПРОТОКОЛ? С каких пор протоколы заседания совмина отменяют у нас действия указов? По логике именно действия беларусбанка идут вразрез с законодательством.
Каб пакінуць каментар, калі ласка, актывуйце JavaScript у наладах свайго браўзеру