18.10.2011 / 16:51

Кіроўца аўталаўкі вырашыў прапусціць фуру і перакуліўся 1

Пацярпела пасажырка грузавіка. Міліцыянты заспелі кіроўцу нецвярозым.

17 кастрычніка пад Наваельняй (Дзятлаўскі раён) кіроўца аўталаўкі вырашыў прапусціць фуру. Аднак выбраў для гэтага не самае зручнае месца. У выніку задняе правае кола аўталаўкі заскочыла на бетонны бар’ер агароджы невялікага моста. Грузавік перавярнуўся, яго фургон разваліўся і адтуль павыляталі тавары — харчовыя прадукты і напоі. У аварыі пацярпела пасажырка аўталаўкі, яе даставілі ў бальніцу.

Міліцыянты, якія прыехалі на месца здарэння, заспелі кіроўцу нецвярозым. Той патлумачыў, што выпіў «з гора» адразу пасля аварыі.

Аднак, якімі б матывамі не кіраваўся гэты чалавек, яму ніхто не дазваляў ужываць спіртное — ні да аварыі, ні пасля яе, нагадвае ДАІ.

0
Бэрыморрр / Адказаць
19.10.2011 / 09:18
а я яму веру, таксама б напiуся пасля такога, калi побач пад рукой былf пляшка
Каб пакінуць каментар, калі ласка, актывуйце JavaScript у наладах свайго браўзеру