Акцыя ў падтрымку палітвязняў прайшла і ў Гомелі 4

У Гомелі, а 19-й гадзіне ў скверы Кірылы Тураўскага прайшла акцыя падтрымкі палітвязняў. Сюды прыйшлі каля дзесяці маладых мінакоў.

Ілля Міронаў, удзельнік акцыі: «Някіх лозунгаў і плакатаў мы не трымалі. Проста стаялі і расказвалі вершы і анекдоты. Мы стаялі ў атачэнні міліцыянтаў і людзей у цывільным. Усіх нас здымаў на відэа аператар без апазнавальных знакаў».

Грамадскі актывіст Васіль Такарэнка паведаміў, што яны выклікалі ў сквер службу міліцыі 102, каб разабрацца, хто «літаральна тыкае мінакам у твар апаратурай, здымаючы ўсіх на відэа».

Ля помніка беларускаму асветніку гучалі таксама беларускія вершы пра лоўлю на малька добрага шчупака. Была тут і прытча пра тое, што, «калі Бог раздаваў людзям розум, беларусы стаялі на аўтазапраўках у чарзе па паліва».

Хапуну сёння не было. Пасля дэкламавання вершаў і анекдотаў удзельнікі акцыі спакойна разышліся.

Радыё Свабода

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ