Беларуская калійная кампанія страціла статус спецэкспарцёра азотных угнаенняў. Такое рашэнне замацавана ўказам прэзідэнта № 482, які апублікаваны на Нацыянальным партале прававой інфармацыі.
Дакументам унесены змяненні і дапаўненні ў раней прынятыя ўказы кіраўніка дзяржавы. У прыватнасці, змены закранулі ўказ № 398 ад 25 жніўня 2005 года. У адпаведнасці з гэтым указам БКК была надзелена статусам спецэкспарцёра вырабленых у Беларусі калійных і азотных угнаенняў.
Нагадаем, на пачатку лістапада 2010 года кіраўнік дзяржавы падпісаў указ, у адпаведнасці з якім БКК атрымала выключнае права на экспарт азотных угнаенняў ААТ «Гродна Азот».
Аднак згодна з цяперашнім указам, № 482, экспарт азотных угнаенняў выключаецца з пераліку пазіцый, па якіх толькі БКК можа заключаць знешнегандлёвыя здзелкі.
