04.11.2011 / 13:04

Лукашэнка: У Беларусі ствараецца новая армія колькасцю 120 тыс. чалавек 98

«Тэрытарыяльная абарона павінна набыць агульнадзяржаўны і ўсенародны характар». «Калі трэба — будзем на гэта велізарныя грошы траціць».

Аляксандр Лукашэнка ўручыў генеральскія зоркі кіраўнікам аблвыканкамаў.

У Беларусі ствараецца новая армія, упор у якой будзе зроблены на войскі тэрытарыяльнай абароны. Аб гэтым заявіў сёння Аляксандр Лукашэнка, уручаючы генеральскія пагоны кіраўнікам абласцей і Мінска.

Звяртаючыся да кіраўнікоў аблвыканкамаў і старшыні гарвыканкама Мінска, Аляксандр Лукашэнка сказаў: «Гэта даўно трэба было зрабіць.

Тое, што вы становіцеся генерал-губернатарамі, — гэта факт, але падкрэсліваю, што гэта не дзеля паказухі або прэстыжу

— цалкам зменіцца кадравая палітыка ў дачыненні да людзей, якія будуць камандаваць войскамі тэрытарыяльнай абароны.

Мы ствараем, калі хочаце, новае войска ў Беларусі, і ім будзеце камандаваць вы». Па словах Лукашэнкі, яно будзе налічваць 120 тыс. чалавек.

Лукашэнка адзначыў, што, разам з рашэннем эканамічных, сацыяльных пытанняў, на кіраўнікоў аблвыканкамаў і начальніка Мінска кладзецца адказнасць па арганізацыі ваеннага складніку. «У нас губернатары — людзі вайсковыя, адказныя, таму другая частка вашага жыцця з сённяшняга дня — ваенная бяспека. Вы будзеце праводзіць вучэнні тэрытарыяльнай абароны і павінны разам з Генштабам цалкам дапрацаваць нарматыўна-прававую базу», — сказаў ён. «За кожным аўтаматам, пісталетам, гранатамётам, за кожнай зброяй павінны быць замацаваныя канкрэтныя людзі.

Жарты ў бок, гэтыя мерапрыемствы вельмі сур’ёзныя. І перш за ўсё гэта не таму, што сітуацыя вакол складаная, а яна сапраўды складаная, а таму, што мы ствараем новую армію»,
 — адзначыў ён. Лукашэнка дадаў, што войскі тэрытарыяльнай абароны павінны пры гэтым выразна ўзаемадзейнічаць з асноўнай арміяй.

«Так, сёння асобныя стогнуць: час такі, праводзіць — не праводзіць вучэнні, бюджэтныя выдаткі. Як быццам яны нясуць гэтыя бюджэтныя выдаткі.

Урэшце, гэта не іх справа, гэта мною прынята рашэнне. Хто не будзе зараз вучыцца — будзе пажынаць плён нашай бяздзейнасці. На гэта грошай ніякіх шкадаваць не трэба»,
 — сказаў Лукашэнка. Ён адзначыў, што цяперашняе вучэнне — камандна-штабное, і яно не патрабуе вялікіх выдаткаў.
«Мы не трацім тут велізарныя грошы. Але калі трэба — будзем траціць.
Такі адказ усім, хто сёння кажа пра бюджэтныя траты», — дадаў ён.

Закрануў Лукашэнка і закранутую напярэдадні тэму аб прыцягненні да тэрытарыяльнай абароне бізнэс-колаў.

«Я ўчора не дарма сказаў пра нашых камерсантаў, бізнэсмэнаў. Ім губляць больш, чым некаму тут, у гэтай краіне. Ім трэба знайсці сваё месца»,
 — сказаў ён. Паводле яго слоў, прыватнік заўсёды прыцягне асабісты рэзерв.

«А не дай бог прыйдзецца ваяваць. Мы — мужыкі, мы павінны абараніць свой дом, сваю сям’ю, свой кавалак зямлі. У гэтым наш абавязак», — сказаў ён.

«Тэрытарыяльная абарона павінна набыць агульнадзяржаўны і ўсенародны характар», — рэзюмаваў Лукашэнка.

* * *

«Міністэрству ўнутраных спраў — спыняць дзейнасць экстрэмісцкіх асоб. Міністр унутраных спраў павінен забыцца: прыстойна, непрыстойна, як пра нас падумаюць. Неабходна жорстка рэагаваць на любыя дзеянні. Галоўнае — забяспечыць парадак у краіне, дзейнічаючы строга ў адпаведнасці з законам і логікай развіцця нашага грамадства», — заявіў Аляксандр Лукашэнка ў пятніцу на Гожскім палігоне пад Гроднам, падводзячы вынікі камандна-штабнога вучэння па тэрытарыяльнай абароне.

Звяртаючыся да кіраўніцтва Камітэта дзяржбяспекі, ён запатрабаваў не толькі ўзмацнення аналітычнай працы, але і канкрэтных дзеянняў. «КДБ у нас зашмат аналізуе, ведае, дакладвае. Я чакаю канкрэтных дзеянняў», — падкрэсліў Лукашэнка.

Лукашэнка не выключае, што «наперадзе могуць быць няпростыя часы». «Наша задача — забяспечыць стабільнасць у горадзе, раёне, на прадпрыемстве», — сказаў ён.

* * *

Захад імкнецца расхістаць сітуацыю ў Беларусі для ўключэння рэспублікі ў сферу свайго ўплыву. Аб гэтым сёння заявіў Аляксандр Лукашэнка на палігоне паблізу Гродна, падводзячы вынікі і ставячы задачы па далейшаму развіццю тэрытарыяльнай абароны ў краіне.

«Мэта Захаду бачная простым вокам: ім трэба расхістаць сітуацыю ў Беларусі і адрэзаць яе ад актыўнага ўдзелу ў міжнародных грамадска-палітычных працэсах. А затым уключыць у сферу свайго ўплыву», — заявіў Аляксандр Лукашэнка.

Паводле яго слоў, з набыццём суверэнітэту Беларусь таксама трапіла ў сферу інтарэсаў сусветнай закулісы.

«Захадам ужо ўведзены розныя санкцыі ў адносінах да беларускіх прадпрыемстваў.
Гэтыя абмежавальныя меры перашкаджаюць нібыта па палітычных прычынах раўнапраўнаму эканамічнаму супрацоўніцтву. Шырока распаўсюджаны і іншыя формы эканамічнага націску, якія наносяць урон нашым нацыянальным інтарэсам у эканамічнай сферы», — падкрэсліў ён.

Сур’ёзным выклікам для нацыянальнай бяспекі з’яўляецца інфармацыйнае і палітычнае ўмяшанне звонку.

«Сёння яно мае рысы адкрытай інфармацыйнай вайны. Для гэтага задзейнічаюцца такія рэсурсы, як Інтэрнэт, радыёстанцыі і спецыяльна арганізаваныя тэлеканалы, газеты і часопісы, на якія трацяцца вялікія сродкі. Пры гэтым на нас пастаянна націскаюць, папракаюць у недахопе свабоды слова і плюралізму»,
— адзначыў беларускі лідар.
«Мы бачым, якімі высокімі тэмпамі ідзе пашырэнне НАТО ў еўрапейскім рэгіёне, як актыўна нарошчваецца ваенная інфраструктура заходніх і паўночных суседзяў паблізу нашых граніц,
— канстатаваў Аляксандр Лукашэнка. — Трывожным фактарам становіцца тое, што апошнім часам у некаторых суседніх краінах рэгулярна праводзяцца інструктажы і спецыяльныя нарады з удзелам высокапастаўленых чыноўнікаў дзярждэпартамента і сенатараў ЗША, міністраў і палітыкаў еўрапейскіх краін з вельмі правакацыйным парадкам дня. Як зрабіць рэвалюцыю ў Беларусі, як змяніць канстытуцыйны лад і да таго падобнымі, адкрыта варожымі тэмамі. Недаацэньваць такія з’явы нельга», — падкрэсліў ён.

Паводле яго слоў, найбольш развітыя краіны Захаду імкнуцца да поўнага кантролю над прыроднымі рэсурсамі ўсёй планеты. «Апошнія дзесяцігоддзі мы ўвесь час назіраем імкненне найбольш развітых краін Захаду да поўнага кантролю над прыроднымі рэсурсамі ўсёй планеты.

Такая палітыка вылілася фактычна ў кампанію па каланізацыі менш развітых дзяржаў і цэлых рэгіёнаў. Для гэтага выкарыстоўваюцца як бяззбройныя формы барацьбы, так нярэдка і ваенная сіла»,
— сказаў Лукашэнка.

І колькі б ні казалася з высокіх трыбун аб ўсеагульным міры і бяспецы, на практыцы яны застаюцца толькі дэклярацыямі, перакананы Лукашэнка. «У розных кутках планеты не цішэюць крывавыя канфлікты. Пад заклікі аб дэмакратыі гінуць тысячы людзей. Здзяйсняюцца неймаверныя па сваёй жорсткасці тэракты», — заявіў беларускі кіраўнік.

Паводле яго слоў, сучасныя войны па формах і сродках вядзення ў корані адрозніваюцца ад тых, якія былі раней. «Асноўныя баталіі разгортваюцца на міжнародных форумах, а рашэнне аб нападзе на чарговую краіну прымаецца ў кулуарах вузкім колам зацікаўленых асоб.

Абавязковымі элементамі становяцца інфармацыйныя атакі, дэстабілізацыя абстаноўкі, раздзіманне пратэстных настрояў сярод насельніцтва.
Затым на пэўным этапе падключаюцца сілы спецыяльных аперацый. Яны пад прыкрыццём «народных» хваляванняў сумесна з «пятай ўнутранай калонай» завяршаюць разгром той ці іншай краіны. Аб гэтым кажуць арабскія рэвалюцыі, знішчэнне Лівіі як суверэннай дзяржавы «, — цытуе Лукашэнку БелТА.
Аперацыю НАТО ў Лівіі ён назваў актам вандалізму XXI стагоддзя.

* * *

Аляксандр Лукашэнка заявіў аб тым, што не гатовы да ўвядзення адзінай валюты ў рамках Адзінай эканамічнай прасторы, але лічыць перспектыўным разгляд гэтага пытання ў будучыні.

«Вы, як грамадзянін, гатовыя да таго, каб заўтра зрабіць адзіную валюту? — Не гатовыя. І я, як прэзідэнт, не гатовы», — заявіў А. Лукашэнка ў пятніцу, адказваючы на ​​пытанні журналістаў.

Лукашэнка нагадаў, што пытанне па адзінай валюце абмяркоўвалася ў рамках беларуска-расійскага саюза.

«Было шмат невыразнасцяў, на якія ніхто не мог адказаць», — сказаў ён.

«Так, я быў не супраць, але трэба было спачатку мець падмурак», — дадаў ён. У прыватнасці, сказаў А. Лукашэнка, «будуць роўныя ўмовы, мы будзем бачыць, да чаго гэта прывядзе, то чаму б не стварыць на роўных умовах і адзіную валюту»? Пакуль жа, па словах А. Лукашэнкі, «гэтае пытанне падлягае абмеркаванню на ўзроўні экспертаў».

«Ну і потым, мы павінны быць перакананыя, што гэта не прывядзе да страты палітычнага суверэнітэту.

Што гэта не размажа, не размые нашу рэспубліку»,
— сказаў А. Лукашэнка, адзначыўшы, што ў гэтым зацікаўлены і партнёры па АЭП.
«Мы не гатовыя да гэтага яшчэ. Але як перспектыва, як класічнае фармаванне [аб’яднанне], гэта цалкам магчыма»,
— адзначыў ён.

Лукашэнка таксама пракаментаваў сітуацыю, звязаную з адзінай валютай у рамках ЕС. «Быццам бы — усё абмазгавалі, ледзь не на роўны ўзровень развіцця [выйшлі], увялі адзіную валюту. А сёння ідзе размова аб тым, што усё роўна, што Грэцыя выйдзе з зоны еўра.

Галоўнае — еўра захаваць,
як нядаўна казала вядомы германскі кіраўнік», — адзначыў А. Лукашэнка.

Паводле яго слоў, «гэта няправільная пастаноўка, гэта прыніжэнне партнёраў».

0
Satan / Адказаць
04.11.2011 / 13:13
Сашин высер уныл. Бизнесмены, как прижмет, быстро сделают ноги. А автоматы, пистолеты и гранатометы разворуют. Но Саша по ходу пачци уже обкакался. Даа,а удел его становится предсказуемым.
0
Гдзе маі 500$? / Адказаць
04.11.2011 / 13:18
А пупок не развяжыцца? Да у нас все в аснавном мільянеры. Белак і зайцаў. Іх што лі зашчышчаць? і інцірэсна ад каво?
0
Максiм / Адказаць
04.11.2011 / 13:20
Правильно
Паказаць усе каментары/ 98 /
Каб пакінуць каментар, калі ласка, актывуйце JavaScript у наладах свайго браўзеру