На могілках на ўсходняй ускраіне Бялынічаў (Магілёўская вобласць) невядомыя вандалы пашкодзілі 28 надмагільных помнікаў, сем з якіх не падлягаюць аднаўленню.
Разбураныя надмагільныя помнікі пабачыла раніцай 3 лістапада мясцовая жыхарка, якая прыйшла адведаць магілы родных. Пра здарэнне яна адразу паведаміла ў міліцыю.
Як сказаў начальнік Бялыніцкага РАУС Юрый Сіманаў, сем пашкоджаных помнікаў ужо не падлягаюць аднаўленню, астатнія маюць розную ступень пашкоджання, некаторыя проста ссунутыя са сваіх месцаў.
Распачата справа па частцы 1 артыкула 347 Крымінальнага кодэкса (здзек з трупа або магілы).
0
0
0
0
0
0
