01.02.2007 / 20:06

Рэктараў прыватных ВНУ будзе прызначаць міністар адукацыі 1

«Рашэньне адназначнае і абмеркаваньню не падлягае», — заявіў дэпутат Уладзімер Здановіч.

Гэтае рашэньне пастаяннай камісіі Палаты прадстаўнікоў па адукацыі, культуры, навуцы і навукова‑тэхнічным прагрэсе агучыў яе кіраўнік Уладзімер Здановіч на прэс‑канфэрэнцыі, што прайшла 1 лютага ў Ждановічах пад Менскам. «Гэта адзначнае рашэньне і абмеркаваньню не падлягае», — заявіў дэпутат.

У такім рашэньні вінаватыя самі рэктары, тыя, якія скампрамэтавалі сыстэму вышэйшай прыватнай адукацыі, мяркуе сп. Здановіч. «Гэтымі рэктарамі парушаліся законы, наносіўся ўрон студэнтам», — зазначае ён.

«Мы не зьбіраемся ліквідаваць сыстэму прыватнай адукацыі, але і патрабаваньні да дзейнасьці прыватных ВНУ як былі, так і застануцца самымі высокімі, — заявіў дэпутат. На ягоную думку, «адукацыя ў нашай дзяржаве патрэбная не дзеля таго, каб атрымаць дыплём, а дзеля таго, каб краіна выйшла на новы якасны ўзровень свайго сацыяльна‑эканамічнага разьвіцьця».

Сёньня ў Беларусі налічваецца 12 прыватных ВНУ, дзе навучаецца 58 тыс. студэнтаў.

Хочаш падзяліцца важнай інфармацыяй ананімна і канфідэнцыйна?

0
ТТ / Адказаць
02.02.2007 / 10:10
цікава, а чаму ў ждановічах? катэдж там яны здымаюць, ці што?
Каб пакінуць каментар, калі ласка, актывуйце JavaScript у наладах свайго браўзеру